BE — NO. 12
BL. 15 1. Dipuji rohangkon do Ho Jahowa, Tuhanki Huhut hubaritahon do Sude pambaenanMi 2. Huboto Ho do mual ni Na denggan sasude Dilehon Ho do sian i Godang di hami be. 3. Ai aha ma adong hian di hami na lea? Sude dilehon Ho nian O Tuhan Debata 4. Ai Ho do na margogo i Sitompa sasude Ho do na pangoluhon i Nang marmuduhon pe. 5. Di langit ni langitan i na hembang songon haen Marriburibu bintang i Tung ise do mambaen? 6. Tung ise do na basa i Manatap hita be Na pabornokkon hauma i Parngolu di sude? 7. Gok eme angka sopo i Tung ise do mala Nang sasude bohalta i Nda Tuhan Debata? 8. I ma tutu, o Debata Dilehon Ho sude Ai Ho do na tongtong basa Manumpak jolma i. 9. Dipinsang Ho pe hami on Dibahen dosa i Sai dipalambas Ho tongtong Roham na denggan i 10. Ai molo marsak rohangki Dibahen dosa i Mura do mulak rohaMi Manesa salangki 11. Diapul Ho do sasude Na marsak roha i Diduduk Ho iluna i Tu parningotanMi 12. Sai disarihon Ho sude Di hasiangan on Tu daging nang tu tondi pe Panongos Ho tongtong 13. Antong boasa ma tungki Ho ale tondingki? Haposi ma Debatami Sitompa sasude 14. Ndang dung marsala Debata Tu ginomgomNa i Ai manang dia pe dibaen Denggan ujungna i. 15. Antong pasombu Debatam Mambaen ture langkam Asa tongtong sonang rohaM Timbul dohot tuam.
Buku nyanyian utama dalam bahasa Batak Toba yang digunakan oleh gereja HKBP. Berisi puji-pujian yang kaya akan nilai teologis dan budaya.
Merupakan versi terjemahan bahasa Indonesia dari Buku Ende. Digunakan agar jemaat yang tidak berbahasa Batak tetap dapat menghayati makna lagu yang sama.
Buku nyanyian oikumenis yang digunakan secara luas oleh berbagai denominasi gereja Protestan di Indonesia, diterbitkan oleh Yayasan Musik Gereja (YAMUGER).
Koleksi lagu-lagu rohani yang dirancang khusus untuk anak-anak (Sekolah Minggu), dengan melodi yang riang dan lirik yang mudah dipahami.
Buku suplemen dari Kidung Jemaat yang menghadirkan gaya musik lebih kontemporer dan beragam unsur musik etnik Nusantara.