BAGIAN PADUAHON / PONGGOL PARJOLOBindu 1 HURIA
1. Pangantusion Nunga Tangkas
2.1. Molo di sada inganan ndang adong dope HKBP, boi do ruas ni HKBP na tinggal di inganan i mamungka Huria HKBP na imbaru, marhite Pos Parmingguan, hombar tu na niaturhon di Aturan dohot Paraturan HKBP.
2.2. Uluan Huria na jumonok tu Pos Parmingguan i do na manguluhon Pos Parmingguan i
2.3. Parhalado Partohonan sian Huria na jumonok ma manghobasi parming guan i.
2.4. Haputusan ni Parhalado Partohonan di Huria na jumonok i do siihuthonon ni Pos Parmingguan i, jala dohot do Parhalado Partohonan na adong di Pos Parmingguan i ruas ni Parhalado Partohonan di Huria na jumonok i.
2.5. Dung mardalan dohot denggan jala atur na umotikna tolu bulan Pos Parmingguan i, bahenon ni Pandita Resort do bisolot ni Pos Par mingguan i, jala pasahatonna tembusanna tu Praeses di Distrik i dohot tu Uluan HKBP marhite Kepala Biro Jemaat.
2.6. Dung dibahen bisolot Pos Par mingguan, pabangkiton ni Parhalado Partohonan di Huria na jumunok i ma, na umotikna tolu halak calon Sintua sian tongatonga ruas ni Pos Parmingguan i.
2.7. Dung mardalan Pos Parmingguan i dohot denggan jala atur na umotikna sataon, Parhalado Resort do na mamareso hatauon ni Pos Parming guan i gabe Huria, jala laporhononna ma i tu Praeses.
2.8. Andorang so diresmihon gabe Huria, pabangkiton ni Uluan ni Huria na jumonok tu Pos Parmingguan i ma Panitia Peresmian Huria marhite Rapot Parhalado Partohonan, na ni ketuaan ni sahalak partohonan na adong di Pos Parmingguan i. Partording ni kepanitiaan i, i ma Ketua, Sekretaris, Bendahara, dohot manang na piga anggota, hombar tu ringkotna. Martanggungjawab tu Uluan ni Huria na jumonok i do Panitia on marhite Rapot Parhalado Partohonan.
2.9. Ulaon ni Panitia Peresmian, i ma:
2.9.a.Manggohi angka syarat na tinontuhon, asa boi dirasmihon gabe Huria.
2.9.b. Pasahathon angka syarat na ditontuhon tu Pandita Resort, na gabe lampiran ni Surat Pangidoan ni Pandita Resort tu Praeses, asa diresmihon Pos Parmingguan i gabe Huria.
2.9.c. Patupahon Pesta Peresmian Huria.
2.10. Dung sahat Surat Pangidoan i tu Pandita Resort, bahenon ni Pandita Resort ma Surat Pangidoan tu Prae ses rap dohot angka syarat na diton tuhon gabe Huria, asa diresmihon.
2.11. Bahenon ni Praeses ma Tim na pinillit sian Majelis Pekerja Sinode Distrik (MPSD) laho manimbangi hatauon ni Pos Parmingguan imanang na tau resmihonon gabe Huria.
2.12. Praeses do na mangaresmihon huria i nidohotan ni ruas MPSD, Pandita Resort, Parhalado Resort dohot sude utusan ni Huria na di Resort i.
2.13. Nang pe status Pos Parmingguan dope, patupaon do di parmingguon i papungu pelean hombar tu na tinontuhon ni HKBP.
2.14. Sigokhonon ni Pandita Resort do sahalak sian Parhalado Partohonan manang calon Sintua na di Pos Parmingguan i, tu Rapot Resort gabe Peninjau
3.1. Huria na manjae i ma wijk, lunggu, wilayah na pinajae ni Huria haborhatanna gabe Huria na imbaru hombar tu na niaturhon di Aturan dohot Paraturan HKBP.
3.2. Panaekhon status ni sada wijk, lunggu, wilayah gabe Pos Parming guan ditotophon marhite haputusan Rapot Parhalado Partohonan domu tu hinaringkot ni panghobasion.
3.3. Uluan Huria haborhatan ni Pos Parmingguan i do na gabe Uluan ni Pos Parmingguan i.
3.4. Parhalado Partohonan na sian Huria haborhatanna do na manghobasi parmingguan i.
3.5. Haputusan ni Parhalado Partohonan di Huria haborhatanna do siihuthonon ni Pos Parmingguan i, jala dohot do Parhalado Partohonan na adong di Pos Parmingguan i ruas ni Parhalado Partohonan di Huria haborhatanna.
3.6. Dung mardalan dohot denggan jala atur na umotikna tolu bulan Pos Parmingguan i, bahenon ni Pandita Resort do bisolot ni Pos Parming guan i, jala pasahatonna tembusanna tu Uluan HKBP marhite Kepala Biro Jemaat.
3.7. Dung dibahen bisolot Pos Par mingguan, pabangkiton ni Parhalado Partohonan Huria haborhatanna i ma, na umotikna tolu halak Calon Sintua sian ruas ni Pos Parmingguan i.
3.8. Dung mardalan Pos Parmingguan i dohot denggan jala atur na umotikna sataon, Parhalado Resort do na mamareso hatauon ni parmingguan imanang naung boi gabe Huria, jala laporhononna ma i tu Praeses.
3.9. Andorang so dirasmihon gabe Huria, pabangkiton ni Uluan ni Huria haborhatanna i ma Panitia Peresmian Huria marhite Rapot Parhalado Partohonan, na ni ketuaan ni sahalak Parhalado Partohonan na adong di Pos Parmingguan i. Partording ni kepanitiaan i, i ma Ketua, Sekretaris, Bendahara, dohot manang na piga anggota, hombar tu ringkotna. Martanggungjawab tu Uluan ni Huria na jumonok i do Panitia on marhite Rapot Parhalado Partohonan.
3.10. Ulaon ni Panitia Peresmian, i ma:
3.10.a. Manggohi angka syarat na tinontuhon, asa boi diresmihon gabe Huria.
3.10.b. Pasahathon tu Pandita Resort angka syarat na ditontuhon, na gabe lampiran ni Surat Pangidoan ni Pandita Resort tu Praeses, asa diresmihon Pos Parmingguan i gabe Huria.
3.10.c. Patupahon Pesta Paresmian Huria.
3.11. Dung sahat Surat Pangidoan i tu Pandita Resort, bahenon ni Pandita Resort ma Surat Pangidoan tu Prae ses rap dohot angka syarat na ringkot pajongjong Huria, asa diresmihon.
3.12. Bahenon ni Praeses ma Tim na pinillit sian Majelis Pekerja Sinode Distrik (MPSD) laho manimbangi hatauon ni Pos Parmingguan i manang na tau resmihonon gabe Huria
3.13. Molo dung tau Pos Parmingguan i gabe Huria mangihuthon panatapan Rapot Majelis Pekerja Sinode Distrik, bahenon ni Praeses ma Surat Pangidoan tu Ephorus asa dibahen bisolot ni Huria i.
3.14. Praeses do na mangarasmihon huria i nidohotan ni ruas MPSD, Pandita Resort, Parhalado Resort, dohot sude utusan ni Huria na di Resort i.
3.15. Nang pe status Pos Parmingguan dope, patupaon do di Parmingguon i papungu pelean hombar tu na niaturhon ni HKBP.
4. Huria na di luar negeri Molo adong huria HKBP na di luar negeri na naeng masuk tu parsaoran ni huria na sapoda dohot HKBP di inganan i, bahenon ni Uluan Huria i ma Surat Pangidoan dohot boaboa tu Uluan HKBP. Molo satolop do Uluan HKBP bahenonna ma Surat Panolopion Bindu 2 Haruason, Hak dohot Kewajiban ni Ruas Nunga Tangkas Bindu 3 Sihobasan ni Huria Nunga Tangkas Bindu 4 Parhalado ni Huria 1. Pangantusion Nunga Tangkas Ragamna Parhalado Partohonan Na Gok Tingki
1. Parhalado Partohonan na Gok Tingki i ma Parhalado Partohonan na manjalo Bisolot sian Uluan HKBP jala manjalo balanjo, hombar tu Paraturan HKBP.
2. Parhalado Partohonan na gok tingki na manghobasi di huria na so manjalo jabatan struktural, Uluan ni Huria ma mangaturhon ulaon tu nasida hombar tu Paraturan HKBP.
3. Parhalado Partohonan na gok tingki ndang boi dipillit gabe Ketua manang ruas ni Dewan manang Seksi di Huria.
4. Parhalado Partohonan na gok tingki na manjalo Surat Ketetapan sian Ephorus laho manguduti parsing kolaan manang manghobasi di ulaon Distrik, Hatopan, Badan Oikumenis, manang Pamarenta, gabe ruas ni Rapot Parhalado Partohonan di Huria haruason nasida jala ruas ni Rapot Pandita Distrik haruasonnasida i.
1. Angka partohonan na gok tingki na boi totophonon ni Uluan HKBP gabe Uluan ni Huria, i ma: Pandita, Guru Huria, Bibelvrouw dohot Diakones.
2. Partohonan na boi pabangkiton ni Rapot Parhalado Partohonan gabe Uluan ni Huria di pagaran, i ma: Sintua na tinotophon ni Praeses.
3. Nasa surat na haruar sian Huria Pagaran tu ruar ni huria ingkon ditolopi Pandita Resort, jala surat na haruar sian Huria Sabungan, sae ma holan Pandita Resort na manan datangani
4. Holan Pandita Resort do na manandatangani sude akte.
5. Molo dung ditotophon Uluan HKBP na gabe Uluan Huria marsadasada sian Parhalado na gok tingki, dohot sandirina mansohot ma Uluan Huria na sian Sintua, atik pe ndang sidung dope periodena.
6. Sipabotohonon ni Uluan Huria do ganup ulaon na marpardomuan tu ulaon hapanditaon tu Pandita Resort, asa diatur panghobasionna.
7. Molo tarsabat torus Uluan Huria, Pandita Resort do na manguluhon Huria i sahat tu na adong panggantina.
8. Molo mangido maradian manang pinda huria Uluan ni Huria Pagaran na pinillit ni Rapot Parhalado Partohonan, ingkon marhite Surat Pangidoan na ditujuhon tu Praeses, jala martembusan tu Pandita Resort.
9. Resmi ma ibana maradian molo dung adong bisolot sian Praeses. Jala bahenonna do Laporan Pertanggung jawaban tu Praeses na martembusan tu Pandita Resort.
10. Molo monding Uluan ni Huria, Pandita Resort ma manguluhon huria i paima dipamasa Rapot Parhalado Partohonan laho mamillit panggantina na lumambatna 3 (tolu) bulan. Ma nang paima ditotophon Uluan HKBP panggantina.
1. Uluan Huria do penanggungjawab di pangaradotion ni arta dohot administrasi huria, holan na mangurupi Uluan Huria do Parhalado Parartaon.
2. Di tingki mamillit Ketua Parhalado Parartaon, Uluan Huria do na manguluhon rapot nasida, alai ndang dohot Uluan Huria mamillit.
3. Parhalado Partohonan na boi pilliton gabe Parhalado Parartaon i ma naung mangula di huria i, na umotikna 3 (tolu) taon.
4. Molo mangido maradian manang pinda Huria Parhalado Parartaon di Huria Pagaran andorang so sidung periodena ingkon marhite Surat Pangidoan na ditujuhon tu Pandita Resort, martembusan tu Uluan Huria. Resmi ma ibana maradian molo dung adong bisolot sian Pandita Resort.
5. Molo mansohot manang pinda huria sahalak sian Parhalado Parartaon i, ingkon bahenonna do laporan partanggungjawaban tu Uluan Huria.
4.2. Ulaonna Nunga Tangkas
1. Sada do Bendahara ni Huria. Molo adong pe Bendahara ni Seksi, manang Panitia Pesta, na mangurupi Ben dahara Huria do i jala ingkon partanggungjawabhononna do nasa hepeng na haruar dohot na masuk na pinatupana di Seksi manang Panitia tu Bendahara Huria.
2. Molo sian ruas ni huria do na gabe Bendahara Huria, ingkon dohotanna do Sermon ni Parhalado Partohonan dohot Rapot ni Parhalado Parto honan, alai molo masa pamilliton ndang adong hak soarana di Rapot i.
3. Molo mangido maradian manang pinda huria Bendahara Huria Pagaran na pinillit ni Rapot Parhalado Partohonan, ingkon marhite Surat Pangidoan na ditujuhon tu Pandita Resort, jala martembusan tu Uluan Huria.
4. Resmi ma ibana maradian molo dung adong bisolot sian Pandita Resort. Jala bahenonna do Laporan Pertanggung jawaban tu Pandita Resort na martembusan tu Uluan Huria.
5. Molo monding Bendahara Huria, tu sahalak sian Parhalado Parartaon ma pasahaton ni Uluan Huria ulaon habendaharaon i na lumelengna 3 (tolu) bulan pai ma dipatupa Rapot Parhalado Partohonan laho mamillit panggantina sahat tu ujung ni periode.
6. Hombar tu ringkotna na boi do jaloon ni Uluan Huria pertanggungjawaban ni Bendahara Huria.
1. Molo ditotophon Uluan HKBP sian partohonan Guru Huria gabe Sekre taris Huria Sabungan, mansohot ma Sekretaris Huria na sian Sintua.
2. Ndang boi partohonan Pandita gabe Sekretaris Huria dohot Sekretaris Bendahara Resort
3. Molo ndang adong dope Sekretaris Huria di sada Huria, Bendahara Huria i ma na manghobasi ulaon hasek retarison.
4. Molo monding Sekretaris Huria, tu sahalak sian Parhalado Parartaon ma dipasahat Uluan Huria ulaon hasekretarison i, na lumelengna 3 (tolu) bulan paima dipatupa Rapot Parhalado Partohonan laho mamillit panggantina sahat tu ujung ni periode. Bindu 5 Dewan dohot Seksi 1. Tolu do Dewan di huria, i ma : Dewan Koinonia, Dewan Marturia dohot Dewan Diakonia.
2. Rapot Parhalado Partohonan do na mamillit ruas ni Dewan na tolu i. Ruas ni ganup Dewan, lima ro di pitu halak (dua ro di tolu halak sian Parhalado Partohonan, tolu ro di lima halak sian na so Partohonan). Ndang boi sian Parhalado Na Gok Tingki pilliton gabe ruas ni Dewan.
3. Di angka Huria na di toru ni sampulu halak torop ni Parhalado Parto honanna, boi ma sahalak sian nasida hundul di sada Dewan, jala na deba nari sian ruas ni Huria.
4. Ruas ni Huria na boi pilliton gabe ruas ni ganup Dewan, i ma: a. Na ringgas marminggu. b. Na mangalehon rohana tu ulaon Huria. c. Na ringgas mandohoti par tangiangan wijk, lunggu manang sektor.
5. Uluan ni ganup Dewan boi do sian Parhalado Partohonan, manang sian na so Partohonan, ruas ni Dewan i. Ndang boi sian Ketua Seksi na ex officio, ruas ni Dewan i, gabe Ketua Dewan.
6. Molo sian Ruas ni huria do na gabe Ketua Dewan i, ingkon dohotanna do Sermon ni Parhalado Partohonan dohot Rapot ni Parhalado Parto honan, alai molo masa pamilliton ndang adong hak soarana di Rapot i.
7. Na marrapot do ganup Dewan na ummotikna sahali onom bulan, niuluhon ni Ketua Dewan.
8. Di tingki mamillit Ketua Dewan, Uluan Huria do na manguluhon rapot i, alai ndang dohot Uluan Huria mamillit.
9. Sitongoson ni Ketua Dewan do gokhon mandohoti Rapot tu sude ruas ni Dewan i tinolopan ni Uluan Huria. Di bagasan gonghon i paboaonna do ari, tanggal, jom, inganan dohot angka sihataan di Rapot i.
10. Laho padasiphon panghobasion ni ganup Dewan, sipabangkiton do sian tongatonga nasida: Ketua, Sekretaris dohot angka Seksi hombar tu ringkotna.
11. Bendahara Huria do Bendahara ni Dewan i.
12. Nasa surat ni Dewan diharuarhon Kantor Sekretariat Huria jala ditolopi Uluan ni Huria.
13. Dewan Koinonia do na maniroi nasa Punguan Koor na adong di huria na marpardomuan tu parsaoran (perse kutuan), alai Dewan Marturia ma na maniroi Punguan Koor i na mardeon.
14. Periode ni Dewan 4 (opat) taon, jala boi pilliton dua periode padodot.
15. Molo mangido maradian manang pinda huria Pangurus manang Ruas ni Dewan andorang so sidung periodena patupaon ni Uluan ni Huria do Rapot Parhalado Partohonan laho mamillit panggantina.
16. Sitingtinghonon do angka goar ni pangurus ni ganup Dewan jala sipabangkiton do nasida marhite bisolot sian uluan ni huria jala ojakhonon di sada parmingguan.
17. Molo marrapot angka Seksi, Ketua Seksi ma na manguluhon, alai molo rapot pamilliton ni Pengurus, Ketua Dewan ni Seksi ma na manguluhon. Silaporhonon ni Ketua Dewan ma hasil ni rapot i tu Rapot Parhalado Partohonan marhite Uluan Huria asa ditolopi.
18. Na marrapot do angka Seksi hombar tu ringkotna, na ummotikna sahali tolu bulan.
19. Nasa rapot pinatupa ni ganup Seksi ingkon marhite panolopion ni Ketua Dewanna, jala ingkon manjâlo pano lopion ni Rapot Parhalado Partohonan haputusan i asa boi diulahon.
20. Sitongoson ni Ketua Seksi do Surat Joujou mandohoti rapot na marisihon acara sihataan di rapot i tu ganup ruas ni Pangurus ni Seksi i tinolopan ni Ketua Dewan, martembusan tu Uluan Huria. Di Surat Joujou i dipaboa ari, tanggal, tingki dohot angka sihataan di Rapot i.
21. Sipilliton do pangurus ni Seksi sian Ruas ni Huria dohot sian Parhalado Partohonan na so gok tingki. Ndang boi Pandita, Guru Huria, Bibelbrouw dohot Diakones dipillit gabe Pengurus Seksi.
22. Bendahara Huria do Bendahara ni ganup seksi. Molo adong pe dipabangkit Bendahara ni angka Seksi, na mangurupi Bendahara Huria do i. Silaporhonon ni Bendahara ni ganup Seksi do marujuuju nasa hepeng na masuk dohot na haruar di seksina tu Bendahara Huria asa dibungkuhon dohot ditingtinghon.
23. Periode ni Pengurus Seksi 2 (dua) taon, jala boi pilliton dua periode padodot.
24. Molo mangido maradian manang pinda huria Pangurus manang Ruas ni Seksi andorang so sidung periodena patupaon ni Uluan Huria do Rapot Parhalado Partohonan laho mamillit panggantina.
25. Sitingtinghonon do angka goar ni pangurus ni ganup seksi jala sipabangkiton do nasida marhite bisolot sian Uluan Huria jala ojakhonon di sada parmingguan.
1.1. Ulaonna, Ruasna, Uluanna, Periodena Nunga Tangkas
2.1. Pangantusion Nunga Tangkas
1. Pangurus ni Seksi Sikola Minggu, i ma ruas ni huria naung mang hatindanghon haporseaon na manga lehon rohana dohot hatauonna taringot tu Sikola Minggu jala na pinillit ni Rapot Hadomuan Parhalado Partohonan dohot Dewan Koinonia.
2. Ndang boi pilliton anggota ni Dewan gabe pengurus ni Seksi Sikola Minggu.
3. Sitiroan ni Pangurus Seksi Sikola Minggu do parmingguon ni dakdanak dohot pangajarion ni Sikola Minggu ni Huria.
4. Torop ni pangurus Seksi Sikola Minggu lima ro di pitu halak padohot Ketua, Sekretaris, Bendahara. Sipadohoton do Guru Sikola Minggu gabe pangurus Seksi Sikola Minggu, toropna dua rodi tolu halak.
5. Siulahonon ni Seksi Sikola Minggu do nasa Program dohot Anggaran Sikola Minggu naung tinotophon ni Rapot Huria tiniroan ni Dewan Koinonia.
6. Dua taon do leleng ni Pangurus Seksi Sikola Minggu jala boi pilliton dua periode padodot.
7. Molo mangido maradian manang pinda huria Pangurus manang Ruas ni Seksi Sikola Minggu andorang so sidung periodena patupaon ni Uluan Huria do Rapot Parhalado Partohonan laho mamillit panggantina.
8. Siradotan ni Seksi Sikola Minggu do panghobasion tu angka dakdanak ni ruas ni huria na so tardidi dope, nang pe so masuk dope tu horong ni anak Sikola Minggu.
1. Rapot Hadomuan ni Dewan Koinonia dohot Parhalado Partohonan do mamillit dohot manotophon ruas ni huria na gabe Guru Sikola Minggu hombar tu Aturan dohot Paraturan HKBP. Ndang boi na so terdaftar gabe ruas ni huria pilliton gabe Guru Sikola Minggu.
2. Andorang so pamilliton ditugashon Uluan Huria do Dewan Koinonia laho manosoi dohot manangkasi hatauon ni ruas ni Huria na tau pajoloon gabe Guru Sikola Minggu.
3. Sipatupaon ni Uluan Huria do Surat Haputusan pabangkithon Guru Sikola Minggu jala ditingtinghon di tongatonga ni Huria.
4. Sipatupaon do Sermon ni Guru Sikola Minggu sahali saminggu, saboiboina diuluhon Parhalado Partohonan na gok tingki hombar tu parsagi ni Uluan Huria, tiniroan ni Pangurus Seksi Sikola Minggu.
5. Nasa siajarhononhon di Sikola Minggu, i ma naung ditotophon di Buku Panduan Guru Sekolah Minggu, dohot parsiajaran na asing na tinolopan ni Uluan ni Huria.
6. Sipabangkiton ni Guru Sikola Minggu do sian tongatonga nasida na gabe Ketua Rapot nasida uju marrapot manaringoti angka na ringkot tu uraian tugas ni Guru Sikola Minggu. Molo marrapot Guru Sikola Minggu ingkon parbinoto Ketua Dewan Koinonia dohot Seksi Sikola Minggu.
7. Periode ni Guru Sikola Minggu i ma 2(dua) taon lelengna jala boi dipillit muse
1. Pangurus ni Seksi Bajarbajar, i ma ruas ni huria na marumur 12-17 taon na pinillit ni Rapot Bajarbajar Huria na niuluhon ni Ketua Dewan Koinonia.
2. Ingkon jolo ditingtinghon do na umotikna dua minggu padodot molo naeng patupahon Rapot Bajarbajar Huria laho mamillit Pengurus Seksi Bajarbajar. Sude ma Ruas ni Huria na marumur 12-17 taon digonghon asa ro mandohoti Rapot i.
3. Partording ni Pengurus ni Seksi Bajarbajar on, toropna 7 (pitu) halak, i ma Ketua, Sekretaris, Bendahara dohot anggota 4 (opat) halak.
4. Silaporhonon ni Ketua Dewan Koinonia do tu Uluan Huria di jolo ni Rapot Parhalado Partohonan angka goar ni Pengurus ni seksi on asa ditotophon jala dipahot marhite bisolot.
5. Gabe ruas na gok ni Dewan Koinonia (ex officio) do Ketua Seksi Bajarbajar.
6. Siulahonon ni Seksi Bajarbajar do nasa program dohot anggaran Bajar-bajar naung tinotophon ni Rapot Huria tiniroan ni Dewan Koinonia.
7. Dua taon ma leleng ni periode ni pengurus Seksi Bajarbajar alai boi do pilliton padodot dua periode.
2.4.a. Pendamping Bajarbajar
1. Rapot Hadomuan ni Dewan Koinonia dohot Parhalado Partohonan do mamillit dohot manotophon ruas ni huria na gabe Pendamping ni Bajarbajar hombar tu Aturan dohot Paraturan HKBP. Ndang boi na so terdaftar gabe ruas ni huria pilliton gabe Pendamping Bajarbajar.
2. Andorang so pamilliton ditugashon Uluan Huria do Dewan Koinonia laho manosoi dohot manangkasi hatauon ni ruas ni Huria na tau pajoloon gabe Pendamping Bajarbajar.
3. Sipatupaon ni Uluan Huria do Surat Haputusan pabangkithon Pen damping Bajarbajar jala ditingtinghon di tongatonga ni Huria.
4. Sipatupaon do Sermon ni Pendam ping ni Bajarbajar sahali saminggu, saboiboina diuluhon Parhalado Partohonan na gok tingki hombar tu parsagi ni Uluan Huria, tiniroan ni Pangurus Dewan Koinonia.
5. Nasa siajarhononhon di Pembinaan Bajarbajar, i ma naung ditotophon di Buku Panduan Pendamping Bajar bajar, dohot parsiajaran na asing na tinolopan ni Uluan ni Huria.
6. Sipabangkiton ni Pendamping ni Bajarbajar do sian tongatonga nasida na gabe Ketua Rapot nasida uju marrapot manaringoti angka na ringkot tu uraian tugas ni Pendam ping Bajarbajar. Molo marrapot Pendamping Bajarbajar ingkon parbinoto Ketua Dewan Koinonia.
1. Pengurus ni Seksi Naposobulung, i ma ruas ni Huria na marumur 18- 30 taon na pinillit ni Rapot Naposo bulung Huria na niuluhon ni Ketua Dewan Koinonia.
2. Ingkon jolo ditingtinghon do na umotikna dua minggu padodot naeng patupaon nama Rapot Naposobulung Huria laho mamillit Pengurus Seksi Naposobulung jala sude ma Ruas ni Huria na marumur 18- 30 taon digokhon asa ro mandohoti Rapot i.
3. Partording ni Pengurus ni Seksi Naposobulung on, toropna 7 (pitu) halak, i ma Ketua, Sekretaris, Bendahara dohot anggota 4 (opat) halak.
4. Silaporhonon ni Ketua Dewan Koinonia do tu Uluan Huria di Rapot ni Parhalado Partohonan angka goar ni Pengurus ni Seksi on asa ditotophon jala dipahot.
5. Gabe ruas na gok ni Dewan Koinonia (ex officio) do Ketua Seksi Naposobulung.
6. Siulahonon ni Seksi Naposobulung do nasa Program dohot Anggaran Naposobulung naung tinotophon ni Rapot Huria tiniroan ni Dewan Koinonia.
7. Dua taon ma leleng ni periode ni pengurus ni Naposobulung alai boi do pilliton padodot 2 (dua) periode.
8. Molo mangido maradian manang pinda huria Pangurus manang Ruas ni Seksi Naposobulung andorang so sidung periodena patupaon ni Uluan ni Huria do Rapot Parhalado Parto honan laho mamillit panggantina.
1. Pengurus ni Seksi Parompuan, i ma parompuan ruas ni huria naung matoras, na marhasohotan manang na so marhasohotan, na so ampit be gabe naposobulung, na pinillit ni Rapot Parompuan Huria na niuluhon ni Ketua Dewan Koinonia.
2. Ingkon jolo ditingtinghon do na umotikna dua minggu padodot naeng patupaon nama Rapot Parompuan Huria laho mamillit Pengurus Seksi Parompuan jala sude ma parompuan Ruas ni Huria naung tang, na so ampit be gabe Naposobulung, digokhon asa ro mandohoti Rapot i.
3. Partording ni Pengurus ni Seksi Parompuan on, toropna 7 (pitu) halak, i ma Ketua, Sekretaris, Bendahara dohot 4 (opat) halak ruasna.
4. Silaporhonon ni Ketua Dewan Koinonia do tu Uluan Huria di Rapot ni Parhalado Partohonan angka goar ni Pengurus ni Seksi Parompuan on asa ditotophon jala dipahot.
5. Gabe ruas na gok ni Dewan Koinonia (ex officio) do Ketua Seksi Parompuan.
6. Siulahonon ni Seksi Parompuan do nasa Program dohot Anggaran Parompuan naung tinotophon ni Rapot Huria tiniroan ni Dewan Koinonia.
7. Dua taon ma leleng ni periode ni pengurus ni Parompuan alai boi do pilliton padodot dua periode.
8. Molo mangido maradian manang pinda huria Pangurus manang Ruas ni Seksi Parompuan andorang so sidung periodena patupaon ni Uluan ni Huria do Rapot Parhalado Parto honan laho mamillit panggantina.
1. Pengurus ni Seksi Ama, i ma baoa ruas ni huria naung matoras, na marhasohotan manang so marha sohotan, na so ampit be gabe ruas ni Naposobulung, na pinillit ni Rapot Ama Huria na niuluhon Ketua Dewan Koinonia.
2. Molo naeng patupahon Rapot Pamilliton ni Pengurus Seksi Ama, ingkon jolo ditingtinghon, na umotikna dua minggu padodot. Sude ma baoa naung tang Ruas ni Huria, na so ampit be Naposobulung, digokhon asa ro tu Rapot i.
3. Partording ni Pengurus ni Seksi Ama toropna 7 (pitu) halak, i ma Ketua, Sekretaris, Bendahara dohot anggota 4 (opat) halak.
4. Silaporhonon ni Ketua Dewan Koinonia do tu Uluan Huria di jolo ni Rapot Parhalado Partohonan angka goar ni Pengurus ni Seksi Ama on asa ditotophon jala dipahot.
5. Gabe ruas na gok ni Dewan Koinonia (ex officio) do Ketua Seksi Ama.
6. Siulahonon ni Seksi Ama do nasa Program dohot Anggaran Ama naung tinotophon ni Rapot Huria tiniroan ni Dewan Koinonia.
7. Dua taon ma leleng ni periode ni pengurus ni Ama alai boi do pilliton padodot dua periode.
8. Molo mangido maradian manang pinda huria Pangurus manang Ruas ni Seksi Ama andorang so sidung periodena patupaon ni Uluan ni Huria do Rapot Parhalado Partohonan laho mamillit panggantina.
1. Pengurus ni Seksi Lansia, i ma baoa manang boru-boru, ruas ni huria naung marumur 60 taon tu ginjang, na pinillit ni Rapot Lansia Huria na niuluhon ni Ketua Dewan Koinonia.
2. Molo naeng patupahon Rapot pamilliton ni Pengurus Seksi Lansia, ingkon jolo ditingtinghon, na umotikna dua minggu padodot. Sude ma Ruas ni Huria naung marumur 60 taon tu ginjang digonghon asa ro tu Rapot i.
3. Partording ni Pengurus ni Seksi Lansia toropna 7 (pitu) halak, i ma Ketua, Sekretaris, Bendahara dohot anggota 4 (opat) halak.
4. Silaporhonon ni Ketua Dewan Koinonia do tu Uluan Huria di jolo ni Rapot Parhalado Partohonan angka goar ni Pengurus ni Seksi Lansia on asa ditotophon jala dipahot.
5. Gabe ruas na gok ni Dewan Koinonia (ex officio) do Ketua Seksi Lansia.
6. Siulahonon ni Seksi Lansia do nasa program dohot anggaran Lansia naung tinotophon ni Rapot Huria tiniroan ni Dewan Koinonia.
7. Dua taon ma leleng ni periode ni Pengurus Lansia alai boi do pilliton padodot dua periode.
8. Molo mangido maradian manang pinda huria Pangurus manang Ruas ni Seksi Lansia andorang so sidung periodena patupaon ni Uluan Huria do Rapot Parhalado Partohonan laho mamillit panggantina.
3.1. Pangantusion Nunga Tangkas
1. Rapot Parhalado Partohonan do na mamillit ruas ni Seksi Sending marhite komposisi 3 (tolu) ro di 5 (lima) halak sian tongatonga ni Parhalado Partohonan jala 5 (lima) ro di pitu halak sian ruas ni Huria.
2. Ketua, Sekretaris dohot Bendahara, dohot pengurus na asing na dihaporluhon Seksi Sending dipillit sian tongatonga nasida marhite Rapot Seksi Sending na niuluhon ni Ketua Dewan Marturia. Di bagasan pamil liton i ndang dohot Ketua Dewan Marturia mamillit. Ndang boi dipillit ruas ni Dewan Marturia gabe ruas ni Seksi Sending.
3. Silaporhonon ni Ketua Dewan Marturia do tu Uluan Huria di jolo ni Rapot Parhalado Partohonan angka goar ni Pengurus ni Seksi Sending on asa ditotophon jala dipahot.
4. Gabe ruas na gok ni Dewan Marturia (ex officio) do Ketua Seksi Sending.
5. Siulahonon ni Seksi Sending do nasa Program dohot Anggaran Sending naung tinotophon ni Rapot Huria tiniroan ni Dewan Marturia.
6. Dua taon ma leleng ni periode ni pengurus ni Seksi Sending alai boi do pilliton padodot dua periode.
7. Molo mangido maradian manang pinda huria Pangurus manang Ruas ni Seksi Sending andorang so sidung periodena patupaon ni Uluan ni Huria do Rapot Parhalado Partohonan laho mamillit panggantina.
1. Rapot Parhalado Partohonan do na mamillit ruas ni Seksi Musik marhite komposisi 1 (sada) ro di 3 (tolu) halak sian Parhalado Partohonan jala 3 (tolu) ro di 5 (lima) halak sian ruas ni Huria.
2. Ketua, Sekretaris dohot Bendahara, dohot pengurus na asing na dihaporluhon Seksi Musik dipillit sian tongatonga nasida marhite Rapot Seksi Musik na niuluhon ni Ketua Dewan Marturia. Di bagasan pamil liton i ndang dohot Ketua Dewan Marturia mamillit. Ndang boi dipillit ruas ni Dewan Marturia gabe ruas ni Seksi Musik.
3. Silaporhonon ni Ketua Dewan Marturia do tu Uluan Huria di jolo ni Rapot Parhalado Partohonan angka goar ni Pengurus ni Seksi Musik on asa ditotophon jala dipahot.
4. Gabe ruas na gok ni Dewan Marturia (ex officio) do Ketua Seksi Musik.
5. Siulahonon ni Seksi Musik do nasa Program dohot Anggaran Sending naung tinotophon ni Rapot Huria tiniroan ni Dewan Marturia.
6. Dua taon ma leleng ni periode ni pengurus ni Seksi Musik alai boi do pilliton padodot dua periode.
7. Molo mangido maradian manang pinda huria Pangurus manang Ruas ni Seksi Musik andorang so sidung periodena patupaon ni Uluan ni Huria do Rapot Parhalado Partohonan laho mamillit panggantina.
4.1. Pangantusion Nunga Tangkas
4.2. Seksi Diakoni Sosial
1. Rapot Parhalado Partohonan do na mamillit ruas ni Seksi Diakoni Sosial marhite komposisi 3 (tolu) ro di 5 (lima) halak sian tongatonga ni Parhalado Partohonan jala 5 (lima) ro di 7 (pitu) halak sian ruas ni Huria.
2. Ketua, Sekretaris dohot Bendahara, dohot Pengurus na asing na dihaporluhon Seksi Diakoni Sosial dipillit sian tongatonga nasida marhite Rapot Seksi Diakoni Sosial na niuluhon ni Ketua Dewan Diakonia. Di bagasan pamilliton i ndang dohot Ketua Dewan Diakonia mamillit. Ndang boi pilliton ruas ni Dewan Diakonia gabe ruas ni Seksi Diakoni Sosial.
3. Silaporhonon ni Ketua Dewan Diakonia do tu Uluan Huria di jolo ni Rapot Parhalado Partohonan angka goar ni Pengurus ni Seksi Diakoni Sosial on asa ditotophon jala dipahot.
4. Gabe ruas na gok ni Dewan Diakonia (ex officio) do Ketua Seksi Diakoni Sosial.
5. Siulahonon ni Seksi Diakoni Sosial do nasa Program dohot Anggaran Diakoni Sosial naung tinotophon ni Rapot Huria tiniroan ni Dewan Diakonia.
6. Dua taon ma leleng ni periode ni pengurus ni Seksi Diakoni Sosial alai boi do pilliton padodot dua periode.
7. Molo mangido maradian manang pinda huria Pangurus manang Ruas ni Seksi Diakoni Sosial andorang so sidung periodena patupaon ni Uluan ni Huria do Rapot Parhalado Partoho nan laho mamillit panggantina.
1. Rapot hadomuan ni Dewan Diakonia dohot Parhalado Partohonan do na mamillit ruas ni Seksi Pendidikan marhite komposisi 3 (tolu) ro di 5 (lima) halak sian tongatonga ni Parhalado Partohonan jala 5 (lima) ro di 7 (pitu) halak sian ruas ni Huria.
2. Ketua, Sekretaris dohot Bendahara, dohot pengurus na asing na dihaporluhon Seksi Pendidikan dipillit sian tongatonga nasida marhite Rapot Seksi Pendidikan na niuluhon ni Ketua Dewan Diakonia. Di bagasan pamilliton i ndang dohot Ketua Dewan Diakonia mamillit. Ndang boi dipillit ruas ni Dewan Diakonia gabe ruas ni Seksi Pendidikan.
3. Silaporhonon ni Ketua Dewan Diakonia do tu Uluan Huria di jolo ni Rapot Parhalado Partohonan angka goar ni Pengurus ni Seksi Pendidikan on asa ditotophon jala dipahot.
4. Gabe ruas na gok ni Dewan Diakonia (ex officio) do Ketua Seksi Pendidikan.
5. Siulahonon ni Seksi Pendidikan do nasa program dohot anggaran Pendidikan naung tinotophon ni Rapot Huria tiniroan ni Dewan Diakonia.
6. Dua taon ma leleng ni periode ni Pengurus Seksi Pendidikan alai boi do pilliton padodot 2 (dua) periode.
7. Molo dipajongjong Huria Yayasan Pendidikan hombar tu Aturan dohot Paraturan HKBP, ingkon parjolo do tolopan ni Rapot Parhalado Parto honan Anggaran Dasar dohot Anggaran Rumah Tangga dohot Akta Notaris pajongjonghon Yayasan i. Dibagasan Anggaran Dasar dohot Anggaran Rumah Tangga Yayasan ingkon tarsurat do ia Badan Pembina ni Yayasan i i ma Uluan Huria dohot Parhalado Partohonan na tongon mangula jala molo dung simpul periodena ingkon pabangkitonna Uluan Huria dohot Parhalado Partohonan na imbaru laho mang gantihonsa gabe Badan Pembina. Tano na pinangke ni Yayasan na dipainjamhon Huria do i tu Yayasan i. Dung jongjong Yayasan i mansohot ma Seksi Pendidikan.
8. Molo mangido maradian manang pinda huria Pangurus manang Ruas ni Seksi Pendidikan andorang so sidung periodena patupaon ni Uluan ni Huria do Rapot Parhalado Parto honan laho mamillit panggantina.
1. Rapot Parhalado Partohonan do na mamillit ruas ni Seksi Kesehatan marhite komposisi 3 (tolu) ro di 5 (lima) halak sian Parhalado Partohonan jala 5 (lima) ro di 7 (pitu) halak sian ruas ni Huria.
2. Ketua, Sekretaris, Bendahara, dohot Pangurus na asing na dihaporluhon Seksi Kesehatan dipillit sian tongatonga nasida marhite Rapot Seksi Kesehatan na niuluhon Ketua Dewan Diakonia. Di bagasan pamilliton i ndang dohot Ketua Dewan Diakonia mamillit. Ndang boi dipillit ruas ni Dewan Diakonia gabe ruas ni Seksi Kesehatan.
3. Silaporhonon ni Ketua Dewan Diakonia do tu Uluan Huria di jolo ni Rapot Parhalado Partohonan angka goar ni Pengurus ni Seksi Kesehatan on asa ditotophon jala dipahot.
4. Gabe ruas na gok ni Dewan Diakonia (ex officio) do Ketua Seksi Kesehatan.
5. Siulahonon ni Seksi Kesehatan do nasa program dohot anggaran Kesehatan naung tinotophon ni Rapot Huria tiniroan ni Dewan Diakonia.
6. Dua taon ma leleng ni periode ni pengurus ni Seksi Kesehatan alai boi do pilliton padodot 2 (dua) periode.
7. Molo dipajongjong Huria Yayasan Kesehatan hombar tu Aturan dohot Paraturan HKBP, ingkon parjolo do tolopan ni Rapot Parhalado Partohonan Anggaran Dasar dohot Anggaran Rumah Tangga, dohot Akta Notaris pajongjonghon Yayasan Kesehatan i. Di bagasan Anggaran Dasar dohot Anggaran Rumah Tangga Yayasan ingkon tarsurat do ia Badan Pembina ni Yayasan i i ma Uluan Huria dohot Parhalado Partohonan na tongon mangula jala molo dung simpul periodena ingkon pabangkitonna Uluan Huria dohot Parhalado Partohonan na imbaru laho manggantihonsa gabe Badan Pem bina. Tano na pinangke ni Yayasan, na dipainjamhon Huria do i tu Yayasan i. Dung jongjong Yayasan i mansohot ma Seksi Kesehatan.
8. Molo mangido maradian manang pinda huria Pangurus manang Ruas ni Seksi Kesehatan andorang so sidung periodena patupaon ni Uluan ni Huria do Rapot Parhalado Parto honan laho mamillit panggantina.
4.5. Seksi Kemasyarakatan
1. Rapot Parhalado Partohonan do na mamillit ruas ni Seksi Kemas yarakatan marhite komposisi 1 (sada) ro di 3 (tiga) halak sian tongatonga ni Parhalado Partohonan jala 3 (tiga) ro di 5 (lima) halak sian ruas ni Huria.
2. Ketua, Sekretaris dohot Bendahara, dohot pengurus na asing na dihaporluhon Seksi Kemasyarakatan dipillit sian tongatonga nasida marhite Rapot Seksi Kemasyarakatan na niuluhon ni Ketua Dewan Diakonia. Di bagasan pamilliton i ndang dohot Ketua Dewan Diakonia mamillit. Ndang boi dipillit ruas ni Dewan Dia konia gabe ruas ni Seksi Kemas yarakatan.
3. Silaporhonon ni Ketua Dewan Diakonia do tu Uluan Huria di jolo ni Rapot Parhalado Partohonan angka goar ni Pengurus ni Seksi Kemasyarakatan on asa ditotophon jala dipahot.
4. Gabe ruas na gok ni Dewan Diakonia (ex officio) do Ketua Seksi Kemasyarakatan.
5. Siulahonon ni Seksi Kemasyarakatan do nasa Program dohot Anggaran Pendidikan naung tinotophon ni Rapot Huria tiniroan ni Dewan Diakonia.
6. Dua taon ma leleng ni periode ni pengurus ni Seksi Kemasyarakatan alai boi pilliton padodot dua periode.
7. Molo mangido maradian manang pinda huria Pangurus manang Ruas ni Seksi Kemasyarakatan andorang so sidung periodena patupaon ni Uluan ni Huria do Rapot Parhalado Partohonan laho mamillit pang gantina =====
Bindu 6.1.Pangantusion Di angka Resort na so adong be huria pagaranna dirangkap Sekretaris Huria ma Sekretaris Bendahara Resort, Parhalado Resort dirangkap Parhalado Partohonan, jala Rapot Gabungan Parhalado Partoho nan dohot angka Ketua Dewan dohot Seksi ma mamillit Utusan tu Sinode Distrik.
1. Syarat Pajongjong Resort na Imbaru
1. Molo adong manang piga Huria di sada Resort marsangkap pajongjong Resort na imbaru laho paheheon, pahinsathon koordinasi ni pangho basion, pasahaton nasida ma i tu Pandita Resort, asa diboan tu Rapot Resort marhite Rapot Parhalado Resort.
2. Dung ditimbangi sangkap i di Rapot Resort jala ditolopi marhite surat sian Huria na naeng masuk tu Resort na imbaru i, jala ditolopi Huria na tading, pabangkiton ni Rapot Resort ma Panitia Persiapan Resort na Imbaru, tolu ro di lima halak sian tongatonga ni peserta Rapot Resort na niuluhon ni Pandita na mangula di Huria na gabe Sabungan ni Resort na Imbaru. Martanggungjawab tu Pandita Resort do Panitia Persiapan Resort i.
3. Ulaon ni Panitia Persiapan Resort i ma: a. Papunguhon surat pernyataan haradeon masuk tu Resort na Imbaru sian angka Huria na naeng masuk tu Resort na imbaru i. Surat pernyataan i ingkon ditandatangani Uluan Huria dohot na umotikna dua partolu ruas ni Parhalado Partohonan. b. Paradehon Kantor Resort dohot angka inventaris na ringkot di Resort na imbaru. c. Paradehon Rumah Dinas Pandita Resort. d. Patomutomuhon Konsep Rencana Kerja dohot Rencana Anggaran Persiapan Resort dohot gugu siporsanan ni angka Huria. e. Paradehon data base Resort na imbaru na manghamham: Buku Panuratan Ruas sa Resort, Buku Panuratan Parhalado Partohonan sa Resort, Buku Panuratan Guru Singkola Minggu dohot Pendamping Bajarbajar sa Resort, Buku Panuratan Dewan, Seksi, dohot Panitia Pemba ngunan sa Resort, Buku Panuratan Inventaris sa Resort.
4. Dung singkop ulaon ni Panitia Persiapan Resort i, melapor ma Panitia tu Pandita Resort. Hombar tusi, pabangkiton ni Pandita Resort ma Tim sian tongatonga ni Parhalado Resort laho mamareso ulaon ni Panitia.
5. Molo dirajumi Parhalado Resort do naung tau angka Huria i gabe Persiapan Resort, bahenon ni Pandita Resort ma surat pangidoan tu Praeses asa ditotophon angka Huria i gabe Persiapan Resort.
6. Pabangkiton ni Praeses ma Tim sian Majelis Pekerja Sinode Distrik laho mamareso hatauon ni angka Huria i gabe Persiapan Resort.
7. Molo dirajumi Majelis Pekerja Sinode Distrik do naung tau angka Huria i gabe Persiapan Resort, paruaron ni Praeses ma bisolot Persiapan Resort na martembusan tu Uluan HKBP dohot tu Resort haborhatanna.
8. Pandita Resort haborhatan i do na manguluhon jala martanggungjawab di Persiapan Resort i. Na mangurupi Pandita Resort do Panitia Persiapan Resort.
9. Dung ditotophon Praeses Persiapan Resort i na umotikna 2 (dua) taon, pabangkiton ni Praeses ma Tim sian tongatonga ni Majelis Pekerja Sinode Distrik laho mamareso hatauon ni Persiapan Resort i gabe Resort.
10. Molo dirajumi Majelis Pekerja Sinode Distrik do naung tau Persiapan Resort i gabe Resort, paboaon ni Praeses ma sangkap pajongjonghon Resort na imbaru i tu Sinode Distrik na jumonok laho mangido panolopion.
11. Molo ditolopi Sinode Distrik do Persiapan Resort i gabe Resort, bahenon ni Praeses ma Surat Pangidoan tu Uluan HKBP asa dibahen bisolot ni Resort na imbaru i.
12. Pabangkiton ni Ephorus ma, marhite Rapot Uluan HKBP Tim laho mamareso hatauon ni Persiapan Resort i gabe Resort.
13. Molo dirajumi Rapot Uluan HKBP do naung tau Persiapan Resort i gabe Resort dibahen Ephorus ma bisolot Resort na imbaru dohot bisolot ni Pandita Resort.
14. Pabangkiton ni Pandita Resort haborhatanna ma Panitia Persiapan Resort i gabe Panitia Peresmian Resort.
15. Andorang so peresmian Resort ing kon gohan ni angka Huria na masuk tu Resort na imbaru i do sude kewajibanna tu Resort haborhatanna.
16. Praeses do na manguluhon peresmian Resort na imbaru i di bagasan sada parmingguan, na nidohotan ni Majelis Pekerja Sinode Distrik, Majelis Pekerja Sinode na adong di Distrik i, Pandita Resort dohot Parhalado Resort haborhatan dohot utusan ni angka Resort na adong di Distrik i.
17. Di peresmian Resort i, laos diojak hon ma Pandita Resort.
18. Di peresmian Resort i pasahaton ni Resort haborhatanna ma tanda holong tu Resort na imbaru i.
19. Na lumambatna sabulan dung peresmian Resort gonghonon ni Pandita Resort ma Rapot Resort laho mamillit Parhalado Resort dohot Badan Audit Resort. Laporhonon ni Panitia Persiapan Resort/Panitia Peresmian Resort ma tu Rapot Resort i nasa ulaon dohot parhepengon ni Panitia. Dung i bubarhonon ni Pandita Resort ma Panitia i.
20. Na lumambatna onom minggu dung peresmian Resort gonghonon ni Pandita Resort ma Rapot Parhalado Resort laho mamillit Sekretaris Bendahara Resort dohot Utusan Resort tu Sinode Distrik. Bindu 7 Na manghobasi Resort 1. Pandita Resort Ulaon ni Pandita Resort
1. Sipasahaton ni Pandita Resort do laporan na tarsurat tu Praeses na umotikna dua hali di bagasan sataon. Laporan i manghamham hamajuon ni panghobasion di angka Huria, ulaon ni Resort, pelean tu Hatopan, penilaian tu Parhalado na Gok Tingki, penilaian tu calon Parhalado na Gok Tingki, dohot angka na porlu botoon ni Praeses taringot tu Huria dohot Parhalado na adong di Resort i. Tembusan ni laporan i dipasahat tu Uluan ni HKBP.
2. Dihamham ulaon ni Pandita Resort do: a.Marsagi ulaon tu Parhalado na Gok Tingki hombar tu tohonanna dohot Aturan dohot Paraturan HKBP dohot Program Kerja Resort. b. Manjalo laporan pangulaon sian Parhalado na Gok Tingki na umotikna dua hali sataon, i ma di bulan Januari dohot bulan Juli. c. Mangevaluasi ulaon ni Parhalado na Gok Tingki jala pasahathon hasil evaluasi i tu Praeses asa dipasahat tu Ephorus HKBP sahali sataon. d. Mangalehon ulaon tu Calon Pangula na Gok Tingki hombar tu Surat Penugasan sian Kantor Pusat dohot Pedoman Personalia HKBP. e. Mangevaluasi ulaon ni Calon Parhalado na Gok Tingki jala pasahathon hasil evaluasi i tu Praeses asa dipasahat tu Ephorus HKBP. f.Manangkasi hatauon ni Parguru Manghatindanghon Haporseaon niurupan ni Parhalado Partohonan. g. Manguluhon manang mangaturhon angka Parhalado Partohonan, manguluhon Sermon ni Guru Sikola Minggu dohot Pendamping Bajar bajar.
3. Manjalo laporan pangulaon ni angka Uluan Huria marsadasada na umo tikna sahali onom bulan i ma di bulan Januari dohot di bulan Juli.
4. Raphon Parhalado Resort manusun Jadwal Rapot dohot Jadwal Pama resoon Parhepengon tu angka Huria.
5. Molo tarsabat torus Pandita Resort, Praeses ma na mangulahon ulaon ni Pandita Resort di Resort i paima adong ditotophon Ephorus na gabe Pandita Resort na imbaru.
2.1. Ulaonna Nunga tangkas
2.2. Uluanna Nunga tangkas
2.3. Ruas ni Parhalado Resort
1. Rapot Resort do na mamillit ruas ni Parhalado Resort sian Parhalado ruas ni Rapot Resort i.
2. Hombar tu dos ni roha ni Rapot Resort i ma ditotophon torop ni ruas ni Parhalado Resort sian Parhalado Partohonan, na umotikna 4 (opat) halak, na gumodangna 6 (onom) halak
3. Dohot sandirina ma gabe ruas ni Parhalado Resort Sintua na tarpillit gabe Utusan tu Sinode Distrik.
4. Molo dung tarpillit Sintua na gabe Utusan Sinode Distrik, holan 3 (tolu) manang 5 (lima) halak na ma pilliton ni Rapot Resort ruas ni Parhalado Resort. Sian si 4 (opat) manang 6 (halak) i ma pilliton ni Parhalado Resort na gabe Sekretaris Bendahara Resort.
5. Molo pinda sian Resort i sahalak ruas ni Parhalado Resort, harhar ma haruasonna di Parhalado Resort. Patupaon ma pamilliton manggonti na pinda i di Rapot Resort na jumonok.
3. Sekretaris Bendahara Resort Nunga Tangkas
4. Badan Audit Resort Na boi do Pandita Resort mangalehon tugas tu Badan Audit Resort laho patupahon audit khusus na mar-rumang panuling-kition/investigasi tu parhepengon dohot arta ni Huria. =====
1. Pangantusion Nunga Tangkas
2. Pajongjonghon Distrik na imbaru
1. Molo adong manang piga Resort di sada Distrik marsangkap pajongjong Distrik na imbaru laho pahem banghon HKBP pasahaton nasida ma sangkap i tu Praeses, asa diboan tu Sinode Distrik marhite Rapot Majelis Pekerja Sinode Distrik.
2. Dung ditimbangi sangkap i di Sinode Distrik jala dung ditolopi marhite surat sian Resort na naeng masuk tu Distrik na imbaru i, jala dung ditolopi Resort na tading, jala adong surat haradeon ni Huria/Resort na naeng gabe sabungan ni Distrik na imbaru i, pabangkiton ni Sinode Distrik ma Panitia Persiapan Distrik na imbaru tolu ro di lima halak sian Ruas ni Sinode Distrik na niuluhon ni Pandita Resort na sinangkapan gabe sabungan ni Distrik na imbaru i. Martanggung jawab tu Praeses do Panitia Persiapan Distrik i.
3. Ulaon ni Panitia Pangaradeon Distrik i ma: a. Papunguhon surat pernyataan haradeon masuk Distrik na imbaru sian angka Resort na naeng masuk tu Distrik na imbaru i. Surat pernyataan i ingkon ditandatangani sude Pandita Resort, Sekretaris Bendahara Resort dohot sude Uluan Huria na naeng masuk tu Distrik na imbaru i. b. Paradehon Kantor Distrik dohot angka inventaris na ringkot di Distrik. c. Paradehon Rumah Dinas Praeses dohot Rumah Dinas Sekretaris Distrik. d. Patomutomuhon Konsep Rencana Kerja dohot Rencana Anggaran Persiapan Distrik dohot konsep gugu situhukon ni angka Resort. e. Paradehon data base Distrik na imbaru na manghamham: Buku Panuratan Ruas sa Distrik, Buku Panuratan Parhalado Partohonan sa Distrik, Buku Panuratan Guru Singkola Minggu dohot Pendamping Bajarbajar sa Distrik, Buku Panuratan Dewan, Seksi, dohot Panitia Pembangunan sa Distrik, Buku Panuratan Inventaris sa Distrik.
4. Dung singkop ulaon ni Panitia Persiapan Distrik i, laporhonon ni Panitia ma i tu Praeses. Pabangkiton ni Praeses ma Tim sian Majelis Pekerja Sinode Distrik laho mamareso ulaon ni Panitia.
5. Molo dirajumi Rapot Majelis Pekerja Sinode Distrik do naung tau angka Resort i gabe Persiapan Distrik, bahenon ni Praeses ma Surat Pangidoan tu Ephorus asa ditotophon angka Resort i gabe Persiapan Distrik.
6. Pabangkiton ni Ephorus ma Tim sian Majelis Pekerja Sinode laho mamareso hatauon ni angka Resort i gabe Persiapan Distrik.
7. Molo dirajumi Majelis Pekerja Sinode nunga tau angka Resort i gabe Persiapan Distrik, totophonon ni Ephorus ma marhite Rapot Uluan HKBP, bisolot Persiapan Distrik na martembusan tu Distrik haborha tanna dohot sude Resort na adong di Distrik haborhatan i dohot tu angka Resort na masuk tu Persiapan Distrik i dohot tu angka Badan, Lembaga, Komisi dohot Yayasan di HKBP.
8. Praeses haborhatan ni Persiapan Distrik i do na manguluhon jala martanggungjawab di Persiapan Distrik. Ketua Panitia Persiapan Distrik manang Pandita Resort na mangula di Resort na gabe Sabungan ni Distrik i ma gabe Pelaksana Tugas Praeses Persiapan Distrik.
9. Ulaon ni Pelaksana Tugas Praeses Persiapan Distrik : a. Manguluhon nasa rapot hadomuan ni angka Resort na masuk tu Persiapan Distrik laho mangarade gabe Distrik na imbaru. b. Mangulahon program dohot anggaran Persiapan Distrik hombar tu naung tinotophon ni Rapot Majelis Pekerja Sinode Distrik haborhatanna. c. Mandohoti Rapot Praeses dohot Rapot Majelis Pekerja Sinode songon Peninjau. d. Pasahathon laporan pelaksanaan tugas manguluhon Persiapan Distrik tu Sinode Distrik marhite Praeses.
10. Ndang sipabangkiton dope Majelis Pekerja Sinode Distrik di Persiapan Distrik i. Panitia Persiapan Distrik do na mandongani dohot mangurupi Pelaksana Tugas Praeses Persiapan Distrik mangulahon administrasi di Persiapan Distrik i, tiniroan ni Majelis Pekerja Sinode Distrik haborhatanna. Program Kerja dohot Anggaran Persiapan Distrik diparade Panitia Persiapan Distrik jala ditotophon Rapot Majelis Pekerja Sinode Distrik haborhatan.
11. Dung ditotophon Ephorus Persiapan Distrik i na umotikna 2 (dua) taon, pabangkiton ni Ephorus ma Tim sian Majelis Pekerja Sinode laho mamareso hatauon ni Persiapan Distrik i gabe Distrik.
12. Molo dirajumi Majelis Pekerja Sinode do naung tau Persiapan Distrik i gabe Distrik, paboaon ni Ephorus ma sangkap pajongjonghon Distrik na imbaru i tu Sinode Godang na jumonok laho mangido panolopion.
13. Molo ditolopi Sinode Godang, bahenon ni Ephorus ma bisolot ni Distrik na imbaru i. Molo tongon do di tingki Sinode Godang Pamilliton i laos ditambai ma torop ni Praeses sipilliton ni Sinode Godang i. Molo ndang di tingki Sinode Godang Pamilliton i, Ketua Panitia Persiapan Distrik, Pelaksana Tugas Persiapan Distrik i ma gabe Pejabat Praeses paima Sinode Godang pamilliton.
14. Pabangkiton ni Praeses haborhatanna ma Panitia Persiapan Distrik i gabe Panitia Peresmian Distrik.
15. Andorang so Peresmian Distrik, ingkon gohan ni angka Resort na masuk tu Distrik na imbaru i do sude kewajibanna tu Distrik haborhatan.
16. Uluan HKBP do na manguluhon Peresmian Distrik na imbaru i di bagasan sada parmingguan na nidohotan ni Majelis Pekerja Sinode, Distrik haborhatan, Pandita Resort dohot Parhalado Resort na adong di Distrik i.
17. Laos di Peresmian Distrik i ma dipatupa pangojakhonon ni Praeses manang Pejabat Praeses.
18. Di Peresmian Distrik i, pasahaton ni Distrik haborhatanna ma tanda holong tu Distrik na imbaru i.
19. Na lumambatna sabulan dung Peresmian Distrik gonghonon ni Praeses ma Sinode Distrik laho mamillit Majelis Pekerja Sinode Distrik dohot Badan Audit Distrik. Disi ma laporhonon ni Panitia Peresmian Distrik nasa ulaon dohot parhepengon ni Panitia tu Sinode Distrik. Dung i bubarhonon ni Praeses ma Panitia i.
20. Na lumambatna onom minggu dung Peresmian gonghonon ni Praeses ma Rapot Majelis Pekerja Sinode Distrik laho mamillit Sekretaris Distrik dohot Bendahara Distrik. Bindu 9 Na Manghobasi Distrik 1. Praeses
1.1. Ulaonna Na hinamham ni Ulaon Praeses
1. Pasahathon laporan pangulaon sahali tolu bulan marhite surat tu Uluan ni HKBP, i ma di bulan Januari, April, Juli, dohot Oktober. Dihamham Laporan ni Praeses tu Uluan HKBP i do: a. Pangulahonon di haputusan ni Sinode Godang, Rapot Pandita, Rapot Majelis Pekerja Sinode, Rapot Praeses dohot Rapot Uluan b. Pangulahonon di Renstra Opat Taonan HKBP dohot Renstra Opat Taonan Distrik, dohot Program Kerja dohot Anggaran Taonan Distrik. c. Pangulahonon di Pangojakhonon ni Pangula na Gok Tingki. d. Pangulahonon di Peresmian Resort dohot Huria. e.Hasil evaluasi dohot penilaian tu Pandita Resort. f.Hasil eveluasi dohot penilaian tu Uluan Huria. g. Hasil evaluasi dohot penilaian tu Pangula na Gok Tingki. h. Hasil evaluasi dohot penilaian tu Calon Pangula Gok Tingki. i. Pangulahonon Pelean tu Hatopan di angka Huria. j. Paturehon angka hamaolon na tubu di Resort dohot Huria dohot usul padengganhon.
2. Pasahathon laporan pangulahonon, pangojakhonon di Pangula Gok Tingki di Distrikna tu Ephorus dohot Sekretaris Jenderal na lumambatna sadari dung dipatupa pangojakhonon i. Tembusan dipasahat tu Kepala Biro Personalia dohot Kepala Biro Jemaat.
3. Pasahathon laporan pangulahonon ni Peresmian Huria dohot Resort na imbaru marhite surat tu Ephorus na martembusan tu Sekretaris Jenderal, Kepala Departemen Koinonia, Kepala Departemen Marturia, Kepala Departemen Diakonia, Kepala Biro Jemaat dohot Kepala Biro Personalia.
4. Pasahathon turgas tu Komisi Pe ngembangan Sumber Daya Pelayan (KPSDP) taringot tu kinerja, masalah, dohot hinaringkot ni Pangula na Gok Tingki di Distrikna.
5. Mandohoti Rapot na pinatupa ni Lembaga Pendidikan HKBP na adong di Distrikna.
6. Rap dohot Majelis Pekerja Sinode Distrik patupahon Jadwal Pemeriksaan Keuangan di angka Resort.
7. Molo adong pangalaho na tompu jala manosak di wilayah ni Distrik i na ingkon hatop bahenon ni HKBP pingkiran taringot tu na masa i, patupaon ni Praeses ma Rapot Majelis Pekerja Sinode Distrik laho manghatai alus tu na masa i dung jolo koordinasi tu Ephorus HKBP.
8. Manguluhon Rapot ni Guru Huria, Rapot Bibelvrouw, dohot Rapot Diakones laho mamillit Utusan tu Sinode Distrik.
1.2. Syarat Gabe Praeses Nunga Tangkas
1.3. Periodena Nunga Tangkas
1.4. Pamilliton a. Mamillit Calon Praeses di Sinode Distrik
1. Sinode Distrik do mamillit calon Praeses sian Pandita na mangula di Distrik i, naung 15 taon manjalo tohonan hapanditaon di HKBP, tongon di tingki Sinode Godang Pamilliton i. Torop ni calon Praeses sian ganup Distrik diaturhon marhite na proporsional, songon on ma partondingna: a. 8 – 15 Resort toropna 2 halak b. 16 – 30 Resort toropna 3 halak c. 31 – 45 Resort toropna 4 halak d. 46 – satorusna toropna 5 halak
2. Pamilliton ni calon Praeses marhite na mametek jala ditontuhon marhite ranking (suara na gumodang).
3. Calon Praeses naung tarpillit di Sinode Distrik, nasida ma sipasa haton ni Ephorus tu Sinode Godang laho dipillit gabe Praeses so pola adong be dihurangi manang ditam bahi.
4. Molo ndang gok godang ni Pandita sian Distrik i na manggohi syarat hombar tu proporsional, boi ma olat ni na adong di Distrik i.
5. Molo ndang adong sahalak pe Pandita na manggohi syarat na di butir (1) i, manang ndang adong na rade pilliton gabe Calon Praeses, ndang patupaon ni Distrik pamilliton calon Praeses, jala ndang adong calon Praeses sipajoloon ni Distrik tu Sinode Godang.
6. Sahalak Pandita HKBP na mangula di Kantor manang Lembaga naung memenuhi syarat, boi ma dipillit gabe Calon Praeses di Distrik hombar tu haruason parhuriaonna. b. Mamillit Praeses di Sinode Godang
1. Pasahaton ni Ephorus naung tarpillit ma goargoar ni calon Praeses na pinillit di Sinode Distrik tu Sinode Godang.
2. Molo torop ni calon Praeses na pinillit ni Sinode Distrik, hurang sian torop mangalehon goargoar ni calon Praeses laho manggohi torop ni calon Praeses i dua hali torop ni Distrik.
3. Panurathonon ni goargoar calon Praeses di kertas suara, hombar tu parjojor ni abjad marga diuduti goar.
4. Pilliton ni ruas Sinode Godang ma Praeses, satorop ni Distrik di HKBP.
5. Parjolo do etongon ni Panitia Pamilliton torop ni Praeses na pinillit ni ruas ni Sinode Godang.
6. Molo hurang sian torop ni Distrik do dipillit ruas ni Sinode Godang Praeses i, sah do soarana i.
7. Molo lobi sian torop ni Distrik do dipillit ruas ni Sinode Godang Praeses i, batal do soarana i.
8. Praeses na tarpillit ditotophon hombar tu ranking.
1.5. Maradian dohot Tarsabat Molo monding Praeses manang ndang boi be mangulahon ulaonna, dipabangkit Ephorus ma na manggantihonsa sian ranking na tumimbo di pamilliton ni Praeses di Sinode Godang na parpudi. Jala tingki pangulaon ni Praeses na manggantihon Praeses na tarsabat torus i ndang dirajumi songon sada periode.
2. Angka Bidang di Distrik
2.1. Pangantusion Bidang i ma organ panghobasion na mangulahon ulaon panjouon ni Huria (Koinonia, Marturia dohot Diakonia) di Distrik. Pangadonghonon ni Bidang dohot Uluanna dipahombar tu haporluan dohot haboion ni Distrik i
1. Rapot Majelis Pekerja Sinode Distrik do na mamillit Kepala Bidang Koinonia dohot Kepala Bidang Marturia sian Pandita na mangula di Distrik i. Rapot Majelis Pekerja Sinode Distrik do na mamillit Kepala Bidang Diakonia sian Ruas manang sian Parhalado Partohonan.
2. Na mangurupi Praeses mangulahon ulaon panghobasion di Bidangna do Kepala Bidang i ma laho pasauthon Rencana Stratejik Opat Taonan Distrik dohot Program Kerja dohot Anggaran Taonan Distrik. Laho mangulahon ulaon i ingkon mangido paniroan do Kepala Bidang tu Praeses.
3. Sipasahaton ni ganup Kepala Bidang do laporan tertulis ni pangulaonna tu Praeses sahali 3 bulan. Pasahatonna ma laporan dohot evaluasi i, andorang so Rapot Majelis Pekerja Sinode Distrik dohot andorang so Sinode Distrik.
4. Molo marhalangan Praeses ma nguluhon Peresmian ni Huria manang Resort dohot mangojakhon Parha lado na Gok Tingki, pasahatonna ma ulaon i tu Sekretaris Distrik, Kepala Bidang Koinonia manang tu Kepala Bidang Marturia manang tu Kepala Bidang Diakonia na martohonan Pandita.
5. Laho mangurupi Kepala Bidang mangulahon ulaon panjouon ni Huria di Bidangna, na boi do Rapot Majelis Pekerja Sinode Distrik pabangkithon Kelompok Kerja (Pokja) ganup Bidang. Martanggungjawab do Kelompok Kerja i tu Praeses marhite Kepala Bidang . Ruas ni Majelis Pekerja Sinode Distrik (MPSD)
1. Sinode Distrik do na mamillit ruas ni Majelis Pekerja Sinode Distrik sian Parhalado ruas ni Sinode Distrik i.
2. Hombar tu dos ni roha ni Sinode Distrik ma ditotophon torop ni ruas ni Majelis Pekerja Sinode Distrik sian Parhalado Partohonan, na umotikna 6 (onom) halak, na gumodangna 10 (sampulu).
3. Molo pinda sian Distrik i anggota Majelis Pekerja Sinode Distrik, harhar ma haruasonna di Majelis Pekerja Sinode Distrik. Patupaon ma pamilliton manggonti na pinda i di Sinode Distrik na jumonok. Ndang gabe ruas ni Majelis Pekerja Sinode Distrik na pinda i di Distrik na imbaru. Alai na boi do pilliton nasida mangganti ruas ni Majelis Pekerja Sinode Distrik na pinda, manang na monding sian Distrik na imbaru i.
4. Sekretaris Distrik Nunga Tangkas
5. Bendahara Distrik Nunga Tangkas
6. Badan Audit Distrik Na boi do Praeses mangalehon tugas tu Badan Audit Distrik laho patupahon audit khusus na marrumang panulingkition/ investigasi tu parhepengon dohot arta ni Resort manang Huria. =====