BAGIAN PARJOLO / PONGGOL PATOLUHONBindu 3
Ojahan
1. Ojahan ni HKBP i ma Jesus Kristus, na hinatindanghon ni Buku na Badia, i ma Padan na Robi dohot Padan na Imbaru, mual ni hasintongan dohot hangoluan. Di bagasan pangoloion tu Debata Ama, Anak dohot Tondi Parbadia, dijangkon HKBP do Pancasila dohot Undang-undang Dasar 1945 gabe ondolan marmasyarakat, marbangso dohot marnegara
1. Pahembanghon dohot pahinsathon ngolu partondion dohot pardagingon ni ruas ni Huria.
2. Pabangkithon angka parhalado.
3. Pasauthon Konfessi, Ruhut Parmahanion Paminsangon, Aturan dohot Paraturan, dohot haputusan ni rapot di HKBP.
4. Paborhathon utusan tu angka ulaon ni HKBP.
5. Paradehon partapahan dohot bangunan gareja dohot bangunan na asing dohot nasa na ringkot di Huria.
6. Manarihon na ringkot tu Resort, Distrik, dohot Hatopan.
7. Pahembanghon dohot pahinsathon parsaoran na denggan dohot dongan sahaporseaon dohot masyarakat dohot lingkungan na humaliangsa.
8. Manghobasi ulaon Huria marhite Parhalado.