BAGIAN PARJOLO / PONGGOL PASAMPULUHONBindu 12
Ruas ni HKBP
1. Ia ruas ni HKBP i ma halak naung tardidi tu bagasan goar ni Debata Ama, Anak, dohot Tondi Parbadia.
2. Sude ruas ni HKBP ingkon umboto jala manghangoluhon hata ni Debata marhite na ringgas marsiajar di tonga ni bagasna, di parguruan na pinatupa ni HKBP dohot parguruan na asing na so maralo tu poda ni HKBP, manghatindanghon haporseaon, manghangoluhon Panindangion Haporseaon ni HKBP, unduk tu Aturan dohot Paraturan dohot Ruhut Parmahanion dohot Paminsangon ni HKBP.
3. Horong ni ruas ni huria hombar tu umur i ma dakdanak, bajarbajar, naposobulung dohot natuatua.