BAGIAN PARJOLO / PONGGOL PALIMAHONBindu 6
Hajuarabagason Dijalo huria do na ringkot tu Misi ni HKBP sian parbue ni haporseaon dohot holong ni roha ni ruas ni huria tu Debata, na dipasahat marrumang pelean minggu/ bulan/taon, hamauliateon, pelean patumonaan, pelean parsampuluan dohot angka pelean na asing na marojahan tu haporseaon, holong dohot lidang ni roha. Dipatupa huria do angka usaha mangalului dana na hombar tu Konfessi HKBP dohot perundang-undangan laho patukhon na ringkot tu misi ni HKBP. Na boi do jaloon ni huria pangurupion na so marpangea jala na so maralo tu perundang-undangan sian lembaga-lembaga ekumenis, pamarenta manang angka badan na asing. Diparhatopot huria do, pasupasu ni Debata do pelean dohot parbue ni usaha manang pangurupion ni pihak na asing i, jala na ingkon radotan do i sadeng gandengganna di bagasan hatigoran, hataraturon, haungkapon dohot pelaporan pertanggungjawaban