BAGIAN PADUAHON / PONGGOL PATOLUHON DISTRIKBindu 8 Distrik
1. Pangantusion Distrik i ma hadomuan ni manang piga Resort laho padasiphon, pahembanghon parsaoran, panindangion dohot pangho basion di tongatonga ni Distrik i.
2.1. Na umotikna ualu Resort.
2.2. Une parpeakna laho padasiphon panghobasion.
2.3 Marhatauon patulushon dohot mangulahon angka ulaon na tinotophon ni Sinode Godang, Rapot Majelis Pekerja Sinode, Rapot Uluan, Sinode Distrik dohot Rapot Majelis Pekerja Sinode Distrik.
2.4. Boi patukhon angka na hinaporluhon ni Distrik i.
2.5. Uluan HKBP ma na manimbangi hatauon ni na naeng gabe Distrik i dohot sabungan Distrik hombar tu turgas na sian Sinode Distrik haborhatanna.
2.6. Majelis Pekerja Sinode ma na manotophon Distrik i, asa dibahen Ephorus bisolot sipasahatonna di tingki parmingguon peresmian ni Distrik i.
2.7. Tangkas mangaturhon angka resort na di Distrik i laho mamastihon ganup huria manongoshon 55% sian ganup pelean na masuk tu huria i bahen haporluan ni Sentralisasi Keuangan HKBP Bindu 9 Na Manghobasi Distrik 1. Praeses
1.1.Ulaonna a. Manguluhon Distrik rap dohot Sekretaris Distrik dohot angka Kepala Bidang. b. Patomutomuhon konsep Rencana Stratejik Empat Tahunan Distrik dohot Rencana Kerja dohot Anggaran Tahunan Distrik hombar tu haputusan ni Sinode Godang, Rapot Majelis Pekerja Sinode dohot Rapot Uluan ni HKBP. c. Maniroi, marmahani angka partohonan di ulaonna hombar tu tugas dohot tohonanna be. d. Manogunogu jala maniroi sude ulaon di angka Huria dohot Resort na mardomu tu partondion dohot parartaon. e. Manguluhon Sinode Distrik, Majelis Pekerja Sinode Distrik dohot Rapot Uluan Distrik. f. Mangarasmihon angka Huria dohot Resort na imbaru, naung tinolopan ni Uluan HKBP. g. Mangebati angka Huria dohot manguluhon angka Pesta Jubileum ni Huria. h. Mangojakhon angka partohonan na gok tingki tu ulaonna di Distrik i. i. j. Paujunghon angka hamaolon na masa di Huria dohot Resort na so boi dipaujung Parhalado Resort. Maniroi hasasaut ni na pinutushon ni Sinode Godang, Rapot Majelis Pekerja Sinode, Sinode Distrik, dohot Rapot Majelis Pekerja Sinode Distrik. k. Patupahon dohot manguluhon rapot ni angka partohonan na gok tingki di Distrik i. l. Maniroi dohot manjalo laporan pardalan ni angka Lembaga Pendidikan HKBP na adong di distrik i sian yayasan. m. Mangalehon laporan dohot turgas tu Ephorus taringot tu hatauon dohot parpindaon ni angka partohonan na gok tingki di Distrik i. n. Patupa evaluasi dohot pasahathon laporan pertanggungjawaban ma rujuuju tu Ephorus jala pasahathon barita pangulaon tu Rapot Majelis Pekerja Sinode Distrik dohot Barita Jujur Taon tu Sinode Distrik. o. `Mangaradoti huhut pajamothon Resort na adong di distrikna asa tangkas manongoshon setoran 55% pelean tu pusat marhite BPSK.
1.2. Syarat Gabe Praeses a. Na umotikna 15 taon naung manjalo tohonan hapanditaon di HKBP jala torus mangula di HKBP. Rajuman do na mangula di HKBP angka na diutus HKBP mangula di huria manang lembaga na asing. b. Na so hea hona Ruhut Parmahanion dohot Paminsangon HKBP. c. Na hipas roha dohot pamatangna. d. Ndang lobi umurna sian 61 taon di tingki pamilliton. e. Na pinillit ni Sinode Godang.
1.3. Periodena Periodena 4 (opat) taon jala boi dipillit dua hali padodot
1.4. Pamilliton a. Ganup Distrik patujolohon sian tongatonga ni sude Pandita HKBP naung manggohi persyaratan na mangula di Distrik i gabe calon Praeses hombar tu hatontuan proporsional. b. Ephorus pasahathon goargoar ni angka calon Praeses na sian Distrik tu Sinode Godang. c. Sinode Godang ma mamillit sian calon na pinatujolo ni angka Distrik i sagodang ni Distrik marhite na mametek soara. d. Panitia pemilihan i ma sahalak pandita dohot sahalak na so Pandita na pinatujolo ni ganup Distrik na niuluhon ni Pandita na tumua sian ruas ni Sinode Godang. e. Ephorus tarpillit ma melantik Praeses na tarpillit i di sada parmingguon di gareja HKBP. f. Sahalak Pandita naung gabe calon Praeses boi do dicalonhon tu holan sada jabatan na asing na pinillit ni Sinode Godang. g. Pelantikan dohot pangojakhonon Praeses dipatupa rampak di sada gareja HKBP di bagasan sada parmingguan. Serah terima jabatan Praeses dipatupa di Distrikna be na lumambatna dua minggu dung pelantikan di adopan ni ruas MPS na tinugashon ni Ephorus.
1.5. Maradian dohot Marhalangan
1.5.1. Maradian a. Sidung periodena. b. Mangido maradian. c. Hona Ruhut Parmahanion dohot Paminsangon HKBP
1.5.2. Tarsabat a. Marhalangan tidak tetap. b. Molo marhalangan Praeses ala ni na marsahit manang laho dinas tu luar negeri, tu Kepala Bidang Koinonia ma tugas Praeses dipasahat. c. Marhalangan tetap d. Molo monding Praeses manang ndang boi be mangulahon ulaonna, dipabangkit Ephorus ma na manggantihonsa sian ranking na tumimbo di pamilliton ni Praeses di Sinode Godang na parpudi.
2. Angka Bidang di Distrik
2.1. Pangantusion a. Bidang i ma organ na mangulahon panghobasion pasauthon si tolu ulaon panjouon ni huria di Distrik. b. Pangadonghonon ni Bidang dohot uluanna dipahombar ma tu haporluan dohot haboion ni Distrik i.
2.2. Bidang Koinonia a. Ulaonna 1. Mamingkiri dohot patupahon angka kegiatan asa lam dasip parsaoran na saroha, sapingkiron dohot sapang hilalaan di angka Huria dohot Resort na adong di Distrik i.
2. Padimundimun dohot pahehehon parsaoran ni angka parhalado di Distrik i.
3. Padimundimun dohot pahehehon parsaoran ni angka kategorial.
4. Patupahon kegiatan dohot kebaktian hadomuan di tirket Distrik.
5. Paradehon bahan-bahan manang materi pembinaan kategorial dohot warga na marojahan tu program ni HKBP.
6. Paradehon dohot patomutomuhon bentuk liturgi na umbuk sipangkeon di angka kebaktian na tuk pahehehon ngolu parhuriaon HKBP.
7. Patupahon parsaoran dohot kegiatan ibadah hadomuan tu angka Huria tetangga na adong di Distrik i.
8. Patupahon parsaoran kemasya rakatan dohot angka parugamo na asing.
9. Patupa evaluasi dohot laporan pangulaon sipasahatonna tu Praeses hombar tu tingki na ditontuhon. b. Uluan Kepala Bidang Koinonia i ma Pandita na pinillit ni Rapot Majelis Pekerja Sinode Distrik sian angka Pandita na manghobasi di Distrik i.
2.3. Bidang Marturia a. Ulaonna 1. Mamingkiri dohot manghobasi ulaon sending tu angka horong khusus di tongatonga ni masyarakat.
2. Pahinsathon hatauon ni angka parjamita dohot parbarita na uli sian ruas dohot partohonan ni Huria.
3. Mamingkiri dohot paradehon angka materi panindangion.
4. Pahembanghon dohot pahehehon angka partangiangan di tongatonga ni masyarakat.
5. Pararathon Barita na Uli tu sude masyarakat.
6. Patupa evaluasi dohot laporan pangulaon sipasahatonna tu Praeses hombar tu tingki na ditontuhon. b. Uluanna Kepala Bidang Marturia i ma Pandita na pinillit ni Rapot Majelis Pekerja Sinode Distrik sian angka Pandita na manghobasi di Distrik i.
2.4. Bidang Diakonia a. Ulaonna 1. Sumangkapi dohot patupahon angka usaha laho pahinsathon mutu panghobasion sosial di Huria, di Resort dohot di Distrik songon i nang di tongatonga ni masyarakat.
2. Sumangkapi dohot patupahon angka usaha pahinsathon mutu pang hobasion di pendidikan dohot kesehatan tu angka ruas ni huria dohot masyarakat lumobi marhite angka Lembaga dohot Seksi na adong di Huria dohot di Resort.
3. Sumangkapi dohot patupahon angka usaha pahinsathon mutu parngoluan ekonomi ni ruas ni huria dohot masyarakat lumobi marhite Seksi Diakoni sosial dohot Seksi Kemasya rakatan na adong di Huria.
4. Sumangkapi dohot patupahon angka usaha mangurupi angka parsikola na so boi manggarar biaya pendidikan, dohot tu angka na so dapot ulaon, na so marama so marina, na martihas dohot na so dapot inganan par mianan.
5. Mamparrohahon angka na masa di tongatonga ni masyarakat jala sumangkapi huhut manontuhon sikap dohot pandapot na porlu sian HKBP mangadopi angka na masa i.
6. Patureturehon dohot pahembanghon parsaoran na komunikatif jala deng gan dohot angka horong masyarakat dohot pamarenta.
7. Mangusahahon dana na porlu tu panghobasion ni bidang diakonia jala tongtong patureture parsaoran dohot Huria nang Resort.
8. Patupa evaluasi dohot laporan taringot tu pangulaonna sipasa hatonna tu Praeses hombar tu tingki naung ditontuhon. b. Uluan Kepala Bidang Diakonia i ma Pandita manang Sintua na pinillit ni Rapot Majelis Pekerja Sinode Distrik sian angka pangula partohonan na manghobasi di Distrik i.
3. Majelis Pekerja Sinode Distrik
3.1. Pangantusion Majelis Pekerja Sinode Distrik i ma angka pangula na manghobasi Distrik laho patulushon haputusan ni Sinode Godang, Rapot Majelis Pekerja Sinode, Rapot Uluan HKBP, dohot Sinode Distrik.
3.2. Ruasna a. Praeses. b. Kepala Bidang. c. Sekretaris Distrik d. Bendahara Distrik e. Onom (6) ro di Sampulu (10) halak na pinillit ni Sinode Distrik sian Parhalado Partohonan.
3.3. Periodena Periodena opat taon jala boi dipillit dua hali padodot 4. Sekretaris Distrik Sekretaris Distrik i ma sahalak na manjalo surat haputusan sian Ephorus manang Praeses, laho mangulahon angka ulaon hasekretarison Distrik dohot na mangaradoti urusan Kantor Distrik.
4.1.Ulaonna: a. Martanggungjawab tu Praeses. b. Mangulahon administrasi na dasip jala na denggan songon naung diatur di Pedoman Penatalayanan HKBP, i ma na mambahen dohot paimbaruhon marujuuju:
1. Buku Panuratan ni Partohonan na gok tingki dohot na so gok tingki sa Distrik.
2. Buku Panuratan ni Guru Sikola Minggu dohot Pendamping Bajarbajar sa Distrik.
3. Buku Panuratan ni Parhalado Resort, Sekretaris Bendahara Resort, Badan Audit Resort sa Distrik.
4. Buku Panuratan Sekretaris Huria, Bendahara Huria, Parhalado Parartaon, Dewan, Seksi, Panitia Pembangunan dohot Badan Audit Huria sa Distrik.
5. Buku Panuratan ni Ruas ni Huria sa Distrik.
6. Buku Panuratan ni haputusan ni Sinode Distrik dohot Rapot Majelis Pekerja Sinode Distrik.
7. Buku Notulen ni Sinode Distrik dohot Rapot Majelis Pekerja Sinode Distrik. c. Molo diulahon di komputer do na sinangkap di point (b) na di ginjang ingkon dibahen do buku salinanna na tinandatanganan ni Praeses dohot Sekretaris Distrik d. Paradehon konsep ni surat, manurathon dohot manimpan surat na ro, manurathon dohot manimpan salinan ni surat na haruar dohot petikan ni surat haputusan. e. Paradehon inganan, bahan dohot ulaula sipangkeon di Sinode Distrik, dohot Rapot ni Majelis Pekerja Sinode Distrik. f. Mambahen konsep ni Barita Distrik jala manggandahonsa dung jolo ditolopi Praeses. g. Mangaradoti dohot paimbaruhon data base ni Distrik marujuuju jala pasahathonsa tu Praeses dohot tu Rapot Majelis Pekerja Sinode Distrik. h. Manongoshon Daftar Haputusan ni Sinode Distrik dohot Daftar Haputusan ni Rapat Majelis Pekerja Sinode Distrik tu sude Ruas ni Sinode Distrik dohot sude Uluan Huria.
4.2. Syarat Gabe Sekretaris Distrik a. Sintua na haposan na pinillit ni rapot Majelis Pekerja Sinode Distrik manang partohonan na gok tingki na manjalo Surat Haputusan sian Ephorus. b. Na ringgas mangula ulaonna, na so hasurahan pangalahona. c. Saboiboina pendidikan Sekolah Lanjutan Tingkat Atas, jala mangantusimanajemen, organisasi dohot kesekretariatan. d. Na umotikna marumur 30 taon, jala satimbotimbona 61 taon hatiha mamungka periodena.
4.3.Periodena Periodena opat taon jala boi dua periode padodot
4.4. Maradian a. Sidung periodena. b. Mangido maradian andorang so sidung periodena. c. Hona Ruhut Parmahanion dohot Paminsangon HKBP, manang sala mangulahon ulaonna mangihuthon panimbangion ni Rapot Majelis Pekerja Sinode Distrik. d. Pinda huria. e. Monding.
5.1. Ulaonna a. Martanggungjawab tu Praeses b. Manimpan hepeng ni Distrik sian BPSK di bank na tontu na tinotophon ni Rapot Majelis Pekerja Sinode Distrik. Pasahatonna do salinan manang fotokopi ni rekening giro manang buku tabungan i tu Praeses dohot Sekretaris Distrik taratur pinomat sahali tolu bulan. c. Manimpan deba hepeng songon kas na metmet di brankas di Kantor Distrik hombar tu godang ni na pinutushon ni rapot Majelis Pekerja Sinode Distrik. d. Paruarhon hepeng hombar tu Anggaran Tahunan naung tinotophon ni Rapot Majelis Pekerja Sinode Distrik marhite panolopion ni Praeses. Molo adong na manalpui Anggaran Tahunan, ingkon marhite panolopion ni Rapot Majelis Pekerja Sinode Distrik do asa tarparuar. e. Patupahon Laporan Perhepengon (hepeng na ro dohot na haruar) ganup tolu bulan tu Rapot Majelis Pekerja Sinode Distrik dung dipareso Badan Audit Distrik. Salinan ni laporan parhepengon i pasahatonna tu sude Pandita Resort dohot Uluan Huria. f. Patupahon Laporan Keuangan Tahunan tu Sinode Distrik dung dipareso Badan Audit Distrik. Salinan ni laporan parhepengon i pasahatonna tu Sekretaris Jenderal, BPSK dohot tu sude Pandita Resort dohot Uluan Huria. g. Mangido pertanggungjawaban pamangkeon ni hepeng tu angka Bidang, Kelompok Kerja manang Panitia ni Distrik. h. Mambahen laporan taringot tu realisasi kewajiban ni Huria na di resortna huhut paingothon Sekretaris Benda-hara Resort asa mardalan pangiriman ni angka pelean kewaji ban i na lumambatna ari Rabu ganup minggu hombar tu bilangan naung ditotophon ima 55% sian pelen na masuk tu Huria i.
5.2. Syarat gabe Bendahara Distrik a. Sintua manang ruas na boi gabe juara bagas haposan na pinillit ni Rapot Majelis Pekerja Sinode Distrik. b. Na ringgas mangula ulaonna, na so hasurahan pangalahona. c. Saboiboina pendidikan Sekolah Lanjutan Tingkat Atas, jala mangan tusimanajemen parhepengon, lumobi akuntansi. d. Na umotikna marumur 28 taon, jala satimbotimbona 61 taon hatiha mamungka periodena.
5.3. Periodena Periodena opat taon jala boi dua periode padodot =====