1. Ia Panindangion Haporseaon ni HKBP i ma udut ni angka panindangion haporseaon naung adong hian, isara Apostolicum, Niceanum, Athanasianum. Marhite parjamitaon, panindangion, surat tongosan, ende huria, tangiang, liturgi dohot buku parsiajaran, tangkas do tarida tongtong pangokuan na Kristus do Ulu ni huria i jala Tuhan ni angka tuan. Di bagasan pangoloion di hata ni Debata na gabe mual ni parjamitaon dohot haporseaon, marpanindangion do huria i di angka rapot huria, di pangulaonna, di ngoluna siganup ari siala hapataran ni Debata Sitolusada, i ma Debata Ama, Anak dohot Tondi Parbadia. Nasa rapot ni huria, tohonan, parmahanion dohot panghobasion di huria nang Aturan ni Huria marondolan tu Panindangion Haporseaon ni Huria do

1. Pangantusion Parhalado i ma ruas ni huria na tarjou jala tarpillit mamelehon diri laho manghobasi ulaon di tongatonga ni Huria.

2. Ragamna: 2.1. Parhalado Partohonan i ma Pandita, Guru Huria, Bibelvrouw, Diakones, Evangelis dohot Sintua. 2.2. Parhalado na so partohonan i ma angka pangurus ni Badan, Yayasan, Dewan, Seksi, Guru Sikola Minggu, Pendamping bajarbajar, Organis, Dirigent Koor dohot Panitia. 2.3. Parhalado na gok tingki i ma angka parhalado na mamelehon sude tingkina dohot gogona mangula di Huria, jala na manjalo balanjo na gok sian Huria i. 2.4. Parhalado na so gok tingki i ma angka parhalado na mamelehon dirina mangula di Huria i marhite na pabahirhon tingkina dohot gogona, jala ndang manjalo balanjo sian Huria i. 2.5. Parhalado na sukarela i ma, angka na mamelehon dirina mangula di Huria hombar tu tingkina dohot gogona secara sukarela, jala ndang manjalo balanjo sian Huria

3.3 Syarat gabe Uluan ni Huria: 1. Partohonan na gok tingki na tinotophon ni Uluan HKBP. 2. Molo so adong dope partohonan na gok tingki tinotophon ni Uluan HKBP, Rapot Parhalado Partohonan niulu hon ni Pandita Resort ma mamillit sian Sintua dohot syarat: a. Na manghangoluhon dohot na mangulahon tohonanna. b. Na umotikna naung lima taon sintua. c. Saboiboina pendidikan Sekolah Lanjutan Tingkat Atas. d. Marumur 30 ro di 61 taon di tingkipamilliton. e. Na tinotophon ni Praeses. f. Periodena opat taon jala boi dua periode padodot. 3.4. Maradian: Uluan ni Huria na sian sintua maradian do molo: a. Sidung periodena. b. Mangido maradian andorang so sidung periodena. c. Hona Ruhut Parmahanion dohot Paminsangon HKBP dohot na so sintong mangulahon ulaonna mangi huthon panimbangion ni Rapot Parhalado Partohonan. d. Pinda huria. e. Monding.

4. Parhalado Parartaon 4.1. Pangantusion Parhalado Parartaon i ma manang na piga pangula partohonan mangurupi Uluan ni Huria laho mangaradoti arta dohot administrasi ni Huria. 4.2. Ulaonna a. Patomutomuhon Prakonsep Rencana Kerja dohot Anggaran Tahunan 4.5. Syarat gabe Parhalado Parartaon a. Ruas na so Bendahara manang Sekretaris Huria: 1. Na ringgas mangulahon hasintuaonna, na so hasurahan pangalahona. 2. Naung manjalo tohonan na umotiknatolu taon. 3. Saboiboina pendidikan Sekolah Lanjutan Tingkat Atas, mangantusi administrasi dohot manajemen parartaon. 4. Na umotikna marumur 28 taon, jala satimbotimbona 61 taon hatiha mamungka periodena. b. Bendahara Huria Ida no. 5 na mangihut. c. Sekretaris Huria Ida no. 6 na mangihut. 4.6. Periode Periodena opat taon jala boi dua periode padodot. 4.7. Maradian a. Sidung periodena. b. Mangido maradian andorang so sidung periodena. c. Hona Ruhut Parmahanion dohot Paminsangon HKBP dohot na so sintong mangulahon ulaonna mangi huthon panimbangion ni Rapot Parhalado Partohonan. d. Pinda huria. e. Monding.

5. Bendahara Huria 5.1. Ulaonna a. Martanggungjawab tu Uluan Huria jala markoordinasi dohot Parhalado Parartaon b. Manimpan hepeng huria di bank na tinotophon ni Rapot Parhalado Partohonan. Pasahatonna do salinan manang fotokopi ni rekening giro manang buku tabungan tu Uluan Huria dohot tu Parhalado Parartaon, pinomat sahali sabulan. c. Manimpan deba hepeng songon kas na metmet di brankas di kantor huria hombar tu godang ni na pinutushon ni Rapot Parhalado Partohonan. d. Paruarhon hepeng hombar tu Anggaran Tahunan naung tinotophon ni Rapot Huria marhite panolopion ni uluan Huria. Molo adong na manalpui anggaran taonan, ingkon marhite panolopion ni Rapot Parhalado Partohonan do asa tarparuar i. e. Patupahon laporan parhepengon na tarsurat (na ro dohot na haruar), atur jala denggan, ganup minggu di bagasan tingting huria. f. Patupahon Laporan Perhepengon (hepeng na ro dohot na haruar) na ummotikna ganup onom bulan tu Rapot Parhalado Partohonan dung dipareso Badan Audit Huria dohot tu rapot huria sahali di bagasan sataon. g. Patupahon Laporan Parhepengon Ujung Taon sipasahaton tu Ruas Huria di bagasan Partangiangan 31 Desember. h. Mangido pertanggungjawaban pa mangkeon ni hepeng ni Huria tu angka Dewan dohot Seksi dohot angka unit na asing. Sude Bendahara Seksi nira-juman do songon wakil ni Bendahara Huria. i. Marhite panolopion ni uluan ni huria manongoshon nasa kewajiban pelean ni Huria tu Hatopan marhite BPSK na lumambatna ganup ari Rabu hombar tu kewajiban naung nitotophon ni Pusat ima 55% sian ganup pelean na masuk tu Huria i. 5.2. Syarat gabe Bendahara Huria a. Sintua manang ruas na boi gabe juara bagas haposan na pinillit ni Rapot Parhalado Partohonan. b. Na ringgas mangula ulaonna, na so hasurahan pangalahona. c. Saboiboina pendidikan Sekolah Lanjutan Tingkat Atas jala mangantusi manajemen parhepengon, lumobi akuntansi. d. Na umotikna marumur 28 taon, jala satimbotimbona 61 taon hatiha mamungka periodena. 5.3. Periodena Periodena opat taon jala boi dua periode padodot. 5.4. Maradian a. Sidung periodena. b. Mangido maradian andorang so sidung periodena. c. Hona Ruhut Parmahanion dohot Paminsangon HKBP dohot na so sin tong mangulahon ulaonna mangihut hon panimbangion ni Rapot Parhalado Partohonan. d. Pinda huria. e. Monding.

6. Sekretaris Huria Sekretaris huria i ma sahalak Sintua na pinillit ni Rapot Parhalado Huria, manang sahalak Pangula partohonan na gok tingki na manjalo SK Ephorus mangula di huria sabungan, laho mangulahon angka ulaon hasekretarison dohot ulaon Kantor ni Huria: a. Martanggungjawab tu Uluan Huria b. Mangulahon administrasi huria na denggan jala na taratur songon naung diaturhon Pedoman Penatalayanan HKBP marhite na patupahon: (1) Buku Bolon (2) Buku Panuratan Dakdanak na sorang (3) Buku Panuratan Na Tardidi Posoposo dohot Na Magodang (4) Buku Panuratan Na Manghatindanghon Haporseaon (5) Buku Panuratan Na Martumpol dohot Na Marbagas (6) Buku Panuratan Ruas Na Ro (7) Buku Panuratan Ruas Na Pinda (8) Buku Panuratan Ruas Na Monding (9) Buku Panuratan Ruas Na Hona RPP dohot na jinanghon mulak (10) Buku Tingting (11) Notulen Rapat Huria dohot Rapot Parhalado ni Huria. c. Molo di komputer do diulahon na sinangkap di poin (b) di ginjang, ingkon dibahen do salinanna na tarsurat jala ditandatangani Uluan Huria dohot Sekretaris Huria. d. Paradehon konsep ni surat, mangagendahon dohot manimpan surat na masuk, mangagendahon surat na haruar jala manimpan partinggalna, dohot petikan ni Surat Haputusan. e. Paradehon inganan, bahan dohot ulaula na diharingkothon di Rapot Huria, Rapot Parhalado Huria, dohot Rapot Hadomuan ni Dewan dohot Seksi f. Mangatur pangulaon ni pangurupi di gareja (Tata Usaha, koster, kebersihan, dapur, keamanan, kurir dohot na asing). g. Mambahen konsep ni tingting huria dohot pagandahon dung jolo ditolopi Uluan Huria. h. Mangaramoti jala martanggungjawab taringot tu sude arsip ni Huria. i. Mangaradoti dohot paimbaruhon marujuuju data base Huria. 6.2. Syarat gabe Sekretaris Huria na marharoroan sian Sintua: a. Parhalado na haposan na pinillit ni Rapot Parhalado Partohonan. b. Na ringgas mangula ulaonna, na so hasurahan pangalahona. c. Saboiboina pendidikan Sekolah Lanjutan Tingkat Atas, jala mangantusi administrasi-kesekretariatan. d. Na umotikna marumur 28 taon, jala satimbotimbona 61 taon hatiha mamungka periodena. 6.3. Periodena Periodena opat taon jala boi dua periode padodot. 6.4. Maradian a. Sidung periodena. b. Mangido maradian andorang so sidung periodena. c. Hona Ruhut Parmahanion dohot Paminsangon HKBP dohot na so sintong mangulahon ulaonna mangihuthon panimbangion ni Rapot Parhalado Partohonan. d. Pinda huria. e. Monding.

7. Badan Audit Huria Badan Audit Huria, i ma organ huria laho patupahon audit parhepengon, parartaon dohot manajemen ni Huria. a. Martanggungjawab tu Rapot Huria. b. Patupahon audit tu pardalan ni Program dohot Anggaran Tahunan Jemaat, dohot kinerja ni organ-organ panghobasion ni huria, hombar tu Pedoman Penatalayanan, Pedoman Akuntasi, Haputusan ni Rapot Huria dohot Tata Laksana Sentralisasi Keuangan HKBP. c. Patupahon audit tu angka aset ni Huria. d. Pasahathon laporan audit tu Rapot Parhalado Partohonan Huria na umotikna sahali onom bulan jala tu Rapot Huria sahali sataon. 7.2. Syarat gabe Badan Audit Huria a. Sintua manang ruas na boi gabe juara bagas haposan na pinillit ni Rapot Huria. b. Na ringgas mangula ulaonna, na so hasurahan pangalahona. c. Saboiboina pendidikan Sekolah Lanjutan Tingkat Atas, jala mangan tusid.manajemen parhepengon, lumobi akuntansi. d. Na umotikna marumur 28 taon, jala satimbotimbona 61 taon hatiha mamungka periodena. 7.3. Ruasna: Tolu halak na pinillit ni Rapot Huria sian sintua dohot ruas ni Huria. 7.4. Periodena Periodena opat taon jala boi dua periode padodot. 7.5. Maradian a. Sidung periodena. b. Mangido maradian andorang so sidung periodena. c. Hona Ruhut Parmahanion dohot Paminsangon HKBP dohot na so sintong mangulahon ulaonna mangihuthon panimbangion ni Rapot Parhalado Partohonan. d. Pinda huria. e. Monding.